PARA TI, NESTE 2016...

Na Biblioteca do Sofía, á túa man...  

Unha manchea de libros. Entra a través da imaxe.

Abre a caixa: Podes pedir todo o que contén na Biblioteca.

FELICITACIÓN NADAL

BOTA UNHA MAN 

SESIÓN 15D, CLUB DE LECTURA: SETE CAVEIRAS

O libro da autora de Dragal, Elena Gallego, foi presentado onte por Lucía e María:

Entra na presentación a través da imaxe

Distintas opinións, especialmente no referente ao final do libro. 

Paula, a profesora de Bioloxía, recomendou un libro que está na Biblioteca, La puerta de los tres cerrojos, de Sonia Fernández Vidal, autora de Quantic love, especialmente para aqueles afeccionados á Física. E como pedimos máis, máis literatura con toques científicos, Paula recomendou Un mundo feliz, La Fundación e Yo, Robot. É unha materia que temos pendente: un "Itinerario lector literatura científica", despois do "Itinerario cómic" (2014-15) e o "Itinerario misterio" co que estamos neste 2015-16. 

Diego tróuxonos El nombre de la rosa e máis banda deseñada: Simon's cat. Por certo, parece que ten sucesora no mundo do cómic; Sabela veu á biblioteca con clásicos en BD: El mago de Oz (Marvel), as "Joyas de la literatura juvenil" (Conan Doyle, Moby Dick, Los viajes de Gulliver, Alicia...). E Gárgolas: o viaxeiro.

Ben. Procesaremos toda esta información. Que vos parece se abrimos un Pinterest con "Recomendacións do club de lectura xuvenil"? Porque é unha pena perder tantas lecturas que podemos compartir. Pero é cousa vosa, queridos alumnos...

Ata a próxima. Non o dubidedes, haberá Un cadáver na Biblioteca. 

NA REDE...

Xa temos na Biblioteca do Sofía:

• Canle YouTube da Biblioteca Sofía.
• Busca un libro no Sofía, folleto e sitio informativo, para que poidas localizar libros na nosa biblioteca e fóra dela.
• Novas adquisicións, en Pinterest.

XAVIER ALCALÁ NA CANLE YOUTUBE DA BIBLIOTECA

Recordades a visita de Xavier Alcalá ao noso Centro? Tedes a información neste enlace. Agora queremos comunicar que xa están na canle YouTube da Biblioteca do Sofía a entrevista ("Irene Alcalá entrevista a Xavier Alcalá") e a conferencia ("Ler na era dixital"). 

En breve poderedes ler na Biblioteca unha serie de libros doados polo autor, libros que el considera imprescindibles na formación dun lector: constituirán a "Biblioteca Xavier Alcalá".

Por suposto, todo en xavieralcalanosofia.

ESTAMOS TRISTES

In memoriam

Hai noticias que oxalá non houbese que dar.

Real Academia Galega; La Voz de Galicia, 27-11-2015. 

Vivirás nos teus libros. Ata sempre, Neira. 

“A maleta de Xosé Neira Vilas”

"Volvo de novo a mirada cara a ventá, nesta mañá triste de outono, para observar, quizais por última vez, como Pepe camiña pousadamente cara ao horizonte mentres porta na man dereita a maleta que sempre tivo disposta para a partida”. Valentín García Gómez, "A maleta de Xosé Neira Vilas", La Voz de Galicia, 28-11-2015.

Só pasou un día e temos que lembrar a outro dos "bos e xenerosos", alguén ben coñecido en Ferrol: Chao Rego, finado en Santiago o 28 de novembro. "

"Ao norte da cidade de Ferrol, nun outeiro desde o que se ve case toda a ría -e que no século XVIII chamara moito a atención, pola súa beleza, do padre Sarmiento, hai unha minúscula capela que aínda conserva a súa fachada medieval, cunha pequena crus labrada na pedra. E á súa beira hai outra igrexa máis, unha igrexa nova, hoxe tristemente sen culto polo mal estado dos seus muros, que se comezou a construír nos anos cincuenta do pasado século, e que, a pesar do cruel que foi con ela o paso do tempo, tamén ten un lugar de honra na historia de Galicia, porque en momentos nos que se agardaba desesperadamente por unha liberdade que non daba chegado nunca, nela atoparon refuxio moitos dos perseguidos polo franquismo. Son as igrexas de Santa Mariña do Vilar. Para a memoria dun país enteiro, as igrexas de Pepe Chao, de Xosé Chao Rego". Ramón Loureiro, La Voz de Galicia, 29-11-2015.

ENTRE FILÓSOFOS...

"El XV Premio Internacional de Ensayo (en castellano) Miguel de Unamuno 2014, concedido por el Ayuntamiento de Bilbao, ha recaído en esta obra breve pero densa, donde el profesor Sucasas investiga el impacto casi invisible del horror nazi en la escritura de Lévinas, rastreando con pericia los trazos sutiles y huellas fantasmales que, sin embargo, la soportan secretamente. Ahonda así el autor en la ya demorada indagación sobre lo judío traslucido en el pensamiento del lituano, la cual tiene como principio fértil Lévinas. Lectura de un palimpsesto, y como jalón indispensable El rostro y el texto. La unidad de ética y hermenéutica".

Así comeza a recensión de Emilio Saldaña, profesor de Filosofía do IES Sofía Casanova, sobre La Shoah en Lévinas: un eco inaudible, obra do seu compañeiro e amigo Alberto Sucasas. A Emilio xa o coñecedes; se cadra, non coñecedes a Alberto. Pero deberiades. Preguntade na casa: algún de vós terá unha nai ou un pai ao que lle dera clase Alberto Sucasas no Sofía. Preguntádelle a eles e poderán contarvos quen é e como é como persoa e como profesor. Como filósofo, como pensador, non tedes máis que ler este ensaio -merecedor do XV Premio Internacional de Ensaio Miguel de Unamuno- ou o que sobre o mesmo comenta Emilio Saldaña (neste enlace). 

Alberto Sucasas

Continúa Emilio Saldaña (vid. enlace anterior):

"El exterminio de los judíos europeos ha afectado a todos los ámbitos de la conciencia europea (baste pensar en el dictum de Adorno: escribir poesía después de Auschwitz es un acto de barbarie). Y esto, subraya Sucasas, de manera creciente. Por eso resulta desolador que la producción cultural específica sobre el universo concentracionario sea tan escasa. ¿No habrá que atender entonces a lo implícito en tantas obras que ni lo mientan, a su presencia ausente en ellas? Este es el principio metodológico, rastrear esa huella en las esferas aparentemente más lejanas, como su cifra oculta. Por lo que respecta a Lévinas, «mostrar como al trabajo del concepto subyace un compromiso –indisolublemente intelectual y ético-político– con el recuerdo de las víctimas» (p. 16)".

Por suposto, tedes este libro de Alberto Sucasas na Biblioteca do Sofía.

NOVA SESIÓN DO CLUB DE LECTURA

MARTES 6 DE OUTUBRO 2015 REPRESENTACIÓN TEATRAL: NAI CORAXE. ÁS 16´30

AS FOTOS DA REPRESENTACIÓN

Martes, 6 de outubro de 2015: Representación teatral no IES Sofía Casanova a cargo da compañía ARJÉ TEATRO. Salón de actos, 16.30. Alumnado de 1º e 2º Bacharelato.

COMPAÑÍA ARJÉ TEATRO 

A OBRA :

PRESENTACIÓN

El dramaturgo alemán Bertolt Brecht escribió su libro Madre Coraje en 1939. Los nazis no ocultan su deseo de dominio y ya estaba a punto de estallar la Segunda Guerra Mundial.

Nai Coraxe se encuentra en la Guerra de Treinta Años que asoló Europa entre 1618 y 1648. Nos situámola en el siglo XX, siglo cruel y sanguento donde Haxa. Pero da igual el tiempo, porque lo que Brecht denuncia no xenuíno es dunha guerra específica, Senon que funciona como una metáfora de destrucion físico y psíquico que provocan todas las guerras.

La obra cuenta la historia de una madre que viaja como cantinera con su mercancía coche, campos de batalla donde se enfrentan los soldados protestantes y católicos. En un mundo dominado por la crueldad y la violencia, Madre Coraje se muestra oportunista, cínico, segura de sí misma. Su único objetivo es sobrevivir y ofrecer protección a sus tres hijos, aprovechando la guerra y el dolor humano.

No importa lo que la bandera se realiza, o la fe para defenderse, sólo los asuntos que puedan comprar su mercancía. Para ella, la guerra es la continuación de los negocios por otros medios, pero es incapaz de darse cuenta de que el gran negocio de la guerra no hacer que la gente pobre: ​​estos sólo tienen que sufrir las consecuencias.

REPARTO

CARMEN Arda ................. Madre Coraje

LAURA CALVA ............................ Catalina
MARTIN CARBALLEIRA ...... Predicador

SERGIO RIOS        .................... Cocine

MATEO POCIÑA................Caraqueixo 
LUIS LAGO................................Eilif - Alférez

AINHOA Ruiz ..................................... Yvette - Campesino

Fran Vázquez ............ Recruiter - Goldsmith - Soldado primera asedio

SARA RODRIGUEZ ................... sargento - Escribente

Carla Silva ......... Mariscal - Viejo Campesino

ARCHIE CABEZA ............................ Coronel Vello

HUGO CALDEVILLA          ............... Vesgo - Soldado segundo asedio

BEATRIZ DOMÍNGUEZ ....................... paz Campesino

UÑAS LUIS ....... Cabo - Soldado Guardián - Campesino

ESCENOGRAFÍA

    DISEÑO GRÁFICO ARJE TEATRO

     LUIS PREGO

   LUCES E SON

    DANIEL  ARIAS

  PRODUCCIÓN

FERNANDO QUEROL                                   DIRECCIÓN ESCÉNICA

JAVIER DE MELO

CLUB DE LECTURA. 1ª REUNIÓN

Sabedes a que imos adicar parte do curso 2015-16?
Queredes pistas? 
Vide á sesión do Club de Lectura do Sofía: martes, 13 de outubro. 16.00 h.

Elemental, querido club...

CONCURSO MARCAPÁXINAS LG 2015

Un ano máis, o concurso dos marcapáxinas Letras Galegas. Tras o reconto, estes foron os máis votados polos alumnos. 

1º: Névia Lamas. 2º: Xiana (4º C). 3º: Cristina (4º C).

Parabéns. Así rematamos o curso 2014-2015, e así comezaremos o 2015-16, coa entrega destes marcapáxinas. Pero para iso aínda queda moito! 

Bo verán, entre xílgaros, sereas e barcas...

AS TRES GRACIAS NO SOFÍA

O venres 19 de xuño entregáronse os premios ás versións máis votadas de "As tres gracias". Continúa un ano máis "ExpresArte: Ver-Ler un cadro", na liña de "As venus" e "As meninas: ReciclArte".

1º premio: Raquel Toja Quintela por "As hero-gracias".
2º premio: Míriam Hidalgo por "Os gardiáns dos elementos".
3º premio: Marta Fernández Arias por "As tres graciosas".

Accésits: Claudia González. Daniel Aguiar. Cristina Lorenzo. Vid. muro.

Máis imaxes da entrega de premios, aquí

Podedes ver no noso punto de encontro o que deu de si esta actividade: entrade no muro colaborativo e accederedes a cada unha das versións coa correspondente análise (título, estilo e interpretación).

https://sites.google.com/site/astresgraciasnosofia/

KIM EN 1º ESO: ITINERARIO KIPLING, 150 ANOS

O cómic 

Autores: Alumnos de 1º A, EPV

Rudyard Kipling e Kim: Muro colaborativo

Autores: Alumnos de 1º ESO, LLC

Rudyard Kipling (Bombay, 30-12-1865 / Londres, 18-1-1936) cumpriría 150 anos neste 2015. Coñecédelo por ser o autor de The Jungle Book (O libro da selva) e "If", entre outras moitas obras. Os alumnos de 1º ESO tráenvos agora a versión en cómic de Kim -novela de Kipling- así como o muro colaborativo onde foron colgando os seus traballos sobre este autor e a súa obra.  

Parabéns aos rapaces de 1º ESO e ás súas profesoras de EPV e LLC (María Lanza e Juana Brañas). Non queremos dicir moito porque preferimos que vexades o que fixeron os alumnos nos enlaces ao cómic e ao muro: merece a pena entrar neles se queredes acceder ao mundo de Kipling, se queredes acceder a un itinerario lector (Kipling, a literatura inglesa na India colonial, os clásicos levados a banda deseñada...) que vos pode guiar nas vosas lecturas de verán. 

https://sites.google.com/site/kiplingnosofia/

TARTAS LITERARIAS CLUB DE LECTURA 2015

Martes, 16 de xuño. Como todos os anos, as tartas do club de lectura. Algunhas delas, neste enlace.

Si. Comemos ao pobre Obélix. Era unha galleta.
El tamén a comería... Estaba boísima.

Que comen os coellos? Cenorias, non?

Unha exquisita tarta de cenoria co coello branco de Alicia. 

Máis no enlace mencionado.

AS MENINAS DE CANIDO CHEGAN A MONTMARTRE

Sábado, 13 de xuño 2015: La Voz de Galicia. Pois si. Un paso máis. O consello de administración da asociación Eau et Lumiere aprobou onte en París solicitar á Comisión Europea a inclusión das Meninas de Canido na rede de Itinerarios Culturais Europeos (en España, o Camiño de Santiago, a ruta do Quixote) da Ruta dos Impresionistas. Eduardo Hermida entrou onte no consello da asociación europea, e presentou a idea en Montmartre. Parece que (vid. Carlos Agulló, enviado especial a París de La Voz de Galicia) a recuperación deste espazo impactou aos expertos franceses. 

Amplía imaxe

Na Biblioteca do Sofía estamos felices. Desde que María Lanza e os seus alumnos de EPV nos deron a coñecer esta iniciativa -eles xa estiveran alí, participando-, entre todos vimos que era algo que merecía a pena: por iso ReciclArte e LiteraturizArte (vid. dentro do sitio a exposición ReciclArte, como se fixo, e a guía de lectura Meninas). Por iso estivo connosco Eduardo Hermida. E por iso desde o Sofía -e para o que teñades nunha aplicación do móbil- se está a traballar en:

O ROTEIRO DAS MENINAS DE CANIDO

Proximamente 

Seguiremos informando, pero aí vos vai un adianto.

Parabéns, Eduardo. Parabéns a todos os que participan neste movemento/revolución cultural en que se convertiu as Meninas de Canido. Ás veces, as árbores medran contra todo e a pesar de todo; ás veces nace arte no lugar máis insospeitado. Ás veces. Pero si, é posible. Coma vós, nós cremos que é posible. Que todo é posible. Con ganas, con traballo, con criterio... É posible. 

PLANETA LINGUA Nº 16: SOFÍA CASANOVA, OS PRIMEIROS 50 ANOS

Xa hai uns días que está connosco o novo número da revista Planeta Lingua, revista promovida polo Equipo de Dinamización de Lingua Galega.  Andamos mal de tempo, queriamos contalo ben, pero xa é moita hora de dicilo. Así que vai como vai. Pero vai: 

Antía, superácheste. 

Antía Aneiros, María Rodríguez Brañas, Tomás Losada 
e Carlos Bértalo lendo Planeta Lingua 16. 

Sempre nos sorprendes, pero desta vez… Mirade os contidos: seguro que as vosas nais ou avoas foron alumnas do centro, seguro que lles encantará revivir de novo aqueles anos. Mirade, mirade:

• “Tal como éramos”, o Ferrol que veu nacer o noso instituto:  Que fotos!.
• “Os primeiros 50 anos”,  o Sofía de 1963-64 a 2013-14, con datas fundamentais: 1963 (bota a andar), 1967 (novo edificio), 1970 (cambios), 1976 (BUP), 1983-1985 (de Camilo a Sofía, de feminino a mixto), 1996-97 (a ESO)…
• “Sofía Casanova. A traxedia de Europa feita palabra”, con fotos e anécdotas, moitas delas contadas a Antía polos alumnos Carlos Bértalo, Antía Aneiros, Tomás Losada e María Rodríguez Brañas.
• “Eu estudei no Sofía Casanova” , unha reveladora charla con María José Rodríguez Bouza, ata hai nada profesora de EF no centro.
• “As miñas lembranzas do instituto” por Ánxela Loureiro. Que memoria! Que recordos! Que ben o contas! “A prepa”, dona Socorrito, o movemento estudantil… Lédeo, por favor. Lédeo.
• Os actos de celebración dos 50 anos. Por certo, aí vai o enlace ao documental realizado por alumnos e profesores, cos nosos amigos de Gaitafilms.
• Sofía Casanova, “Ferrolán do ano”, co discurso de agradecemento de Laura, a directora.
• E as achegas da ANPA e de Alberto Fuentes, antigo alumno do Sofía e actual xefe de estudos.

Antía, parabéns. É unha revista para todos, para os que estiveron, para os que estamos e para os que estarán. Porque os 50 anos do instituto non se podían esquecer. Porque é algo que non pasa todos os anos. Porque se traballou moito nesta conmemoración. E porque ti traballaches moito. E este é o resultado. Un fantástico resultado.

Continúa, por favor. Todos os anos recolles feitos que nos fan lembrar o que fomos e o que somos. Que este noso Planeta Lingua dure "mil primaveras máis", e que sexa da túa man. Fasnos moita falta, fasnos recordar, porque...

"Somos a memória que temos,

sem memória não saberíamos quem somos".

Jose Saramago (Azinhaga, 1922-Lanzarote, 2010)
Premio Nobel de Literatura, 1998

  

EL CORREDOR DEL LABERINTO

Hoxe sesión El corredor del laberinto con Antía Casal e Míriam Hidalgo: sinopse obra, trailers películas, páxina oficial James Dushner. Preguntas: Para que vale o labirinto? É suficiente ver a película? Canto tempo vos levou facer o traballo? Gustouvos o libro? Aplausos. 


"A hora de Diego”: banda deseñada. Recomendacións: Groo y Rufferto (parte “tonta” de Conan); La tumba de Drácula (de Marvel); Scott Pilgrim (película, enlace). Diego recomenda estes libros nesta orde.

Remataron sesións este curso? Tartas literarias? 

Brevidade obrigada por fin de curso. 

NEIRA VILAS RECUPÉRASE!

Así, ben grande. Porque nos alegramos. Moito. Porque tiñan razón os alumnos de 1º ESO C e Laura, a súa profesora: Neira Vilas recupérase na casa. Sabedes que estaba previsto que conectase con nós por Skype na semana das Letras Galegas, pero tivo que ingresar no hospital. E agora, aínda en recuperación, contesta ao correo que os alumnos de Laura enviaron. Por certo, Ana o único que fixo foi servir de intermediaria a través da Biblioteca (enviou o correo de Laura á Fundación Neira Vilas). Parabéns, a seguir así, recuperándose. E graciñas, Xosé, por acordarse de nós. Cuídese moito! Moito, moito!

ITINERARIO LETRAS GALEGAS 2015: PONTEVEDRA-CAMBADOS.

O sitio:
https://sites.google.com/site/itinerarioletrasgalegas2015/

A idea:

• 2015, Letras Galegas Filgueira Valverde.
• 2015, 100 anos de Vento mareiro, poemario de Cabanillas. 

A conexión:

• Filgueira Valverde: relación co Museo de Pontevedra.
• Vento mareiro, augada de Castelao que ilustrou o poemario Vento mareiro de Cabanillas, está no Museo de Pontevedra.

Entón...

Continuamos as actividades do "Mes das Letras no Sofía" con esta viaxe cultural que nos leva a Pontevedra para ver no Museo da cidade -tan ligado a Filgueira Valverde e Castelao-, a exposición sobre Filgueira Valverde e a sala Castelao, e saír logo ás rúas seguindo o roteiro "A Pontevedra de Castelao". Despois percorreremos "O Cambados de Cabanillas" para conmemorar os 100 anos de Vento mareiro (Cabanillas: 1915). E como fondo, como un "vento mareiro", eses poemas de Cabanillas (podes ver aquí unha selección) e esa augada de Castelao ubicada hoxe no Museo de Pontevedra: recordade que Vento mareiro, o cadro de Castelao, serviu no seu momento para ilustrar a portada da obra de Cabanillas do mesmo nome.

Castelao: Vento mareiro. Augada, 1921. Museo de Pontevedra.

Pretendemos aproveitar esta actividade para que os alumnos fagan un uso responsable do móbil como ferramenta de consulta, busca, captación e transmisión de información. Para facilitar o labor, deseñouse o sitio informativo itinerarioletrasgalegas2015, que servirá como punto de partida da actividade; inclúe información básica, tríptico, planos e uns itinerarios ("A Pontevedra de Castelao" e "O Cambados de Cabanillas") que os alumnos terán que completar tras a visita.

O sitio tal como se vería no móbil

ENCONTRO CON XAVIER ALCALÁ II: LER NA ERA DIXITAL / ENTREVISTA

Ben. Información procesada. 17 de maio: Día das Letras Galegas, Día da Sociedade da Información e das Telecomunicacións. Xavier Alcalá: escritor e enxeñeiro de telecomunicacións. Pensabamos achegar aquí o que comentou Xavier Alcalá o martes 12, pero non. Decididamente, non. É mellor que o escoitedes a el, coas súas propias palabras. En breve teremos editado o vídeo e poderedes velo nesta mesma entrada. Procede, iso si, que apuntemos algunhas das cuestións que tratou Xavier Alcalá en "Ler na era dixital". Algunha vez vos preguntastes...

• Como chegou un escritor vocacional a Enxeñería de Telecomunicacións?
• É correcto, na sociedade da información globalizada, separar ciencias e letras?
• Estamos na era dixital. Que cambiou con respecto á anterior? Como cambiou?
• Falamos ou fabulamos? Desaparecerá a literatura?  Está en crise o sistema literario? Realmente? Ata que punto? E que hai da autopublicación?   
• Hai traballo no campo da Telemática? Pode ser divertido o traballo de captación, procesado e difusión da información?
• É importante ler? Por que? Para que? Que ler?
• É importante redactar correctamente? Por que? Para que?
• Que soportes lectores se utilizan actualmente?
• Para escribir na era dixital, hai que escribir doutra maneira?

Se algunha vez vos fixestes algunha destas preguntas, tede por seguro que Xavier Alcalá as contesta en "Ler na era dixital".

E recordade:

“Nunca chegaredes a nada se non ledes moito”.
Xavier Alcalá dixit, aquí, no Sofía, o 12-5-2015.

E chegou o momento da entrevista: "Irene Alcalá entrevista a Xavier Alcalá". Pois o mesmo de antes: mellor coas súas palabras (poderedes ver aquí o vídeo). Pero adiantamos as preguntas de Irene (á persoa e ao escritor; faltou tempo de preguntar ao enxeñeiro de telecomunicacións):

• Que recordas do ano 1963 (ano en que nace o “Feminino” (actual Sofía Casanova) separándose do “Masculino” (o instituto de A nosa cinza)?
• Que hai de autobiográfico en A nosa cinza?
• Escribir en galego na época franquista, facer letras de cancións… Por que? Tiveches problemas?
• Que significaron para ti estes lugares? O areal de Cabanas; Ferrol; América, Arxentina, A Patagonia.
• E estas persoas? Ramón Piñeiro e Andrés do Barro.

O lector / escritor. 

• Cóntanos.  Coñeciches moitos escritores? 
• Como escribes? Por que? Que é o "laboratorio"?
• Que significan para ti estes nomes? As chisterías de Ferrol, O Capitán Trueno, Xulio Verne, Salgari. Os clásicos da literatura española, os libros das aventuras amazónicas brasileiras. Eça de Queiroz. George Orwell. A literatura arxentina. A literatura de viaxes. A literatura con toques científicos.
• Que che queda por contar?
• Qué opinas do uso do móbil nas aulas?

Ao enxeñeiro de telecomunicacións (que fai e le ciencia), quedounos por preguntar…

• Por que un enxeñeiro de telecomunicacións decide ser profesor?
• É posible facer ciencia en galego?
• Cantas linguas utilizas?
• Serviuche o galego para aprender outras linguas?
• Como ves o futuro do galego?

• E para rematar, que pregunta non che fixeron e che gustaría que che fixeran? 

Outro día preguntaremos...