Ola rapaces!
Como xa informamos no blog de dinamización onte, 21 de febreiro, celebrouse o Día Internacional da Lingua Materna aprobado pola Conferencia Xeral da UNESCO en novembro de 1999, para promover o plurilingüismo e a diversidade cultural.
A lingua materna é aquela en que os nenos aprenden a falar e a relacionarse co seu contorno máis próximo. Cada ano escóllese un tema ó que adicarlle o día. Este 2019, é o Ano Internacional das Linguas Indíxenas. Os pobos indíxenas representan aproximadamente 370 millóns de persoas e falan a maioría das 7000 linguas vivas. En palabras de Audrey Azoulay (Directora xeral da Unesco) enténdese que as linguas maternas "son esenciais para contruír a paz".
Nós queremos deixar aquí unha preciosa iniciativa de Adriana Bado e Hugo Esquivel, dous deseñadores de México, creadores dunhas ilustracións con declaracións de amor en 10 linguas. Seguramente seguimos influídos pola experiencia con os maiores da residencia Domus Vi que nos visitaron o pasado 14 de febreiro para falarnos sobre os mitos do amor romántico.
Ningún comentario:
Publicar un comentario