BIBLIOTECA DE FAMILIAS

Ola rapaces!

Hoxe quero dirixirme máis que a vós aos vosos pais. Porque estreamos un novo recuncho para todas as familias que chamamos "Biblioteca de Familias".

Que é?

Ao carón do despacho da Orientadora situamos unha serie de libros sobre a educación dos rapaces (estudo, saúde, motivación, redes sociais, alimentación, adiccións...) 

Como moitos dos pais e nais pasan moito tempo sentados neste recanto, pensamos que era un bo lugar para aproveitar estes tempos mortos na súa formación.

A biblioteca do centro é de todos: alumnos, profes, personal non docente, tamén das familias. Pero como algúns sodes un pouco tímidos, e non vos atrevedes a entrar, será a biblioteca a que saia.

Normas de uso

1. Como as bibliotecarias soamente estamos na biblioteca nos recreos e en poucas horas máis, non podemos atender o préstamo.

2. Seredes vós quen autoxestionaredes o propio préstamo.

3. Podedes coller tres libros por familia.

4. Debedes apuntarvos na folla que atoparedes na estantería, cubrindo ben todos os vosos datos.

5. O préstamo dura 15 días, renovables outros 15 días.

6. Confiamos no voso bo uso.

7. Os materiais son de todos e non son precisamente baratos.

              GRAZAS POLA VOSA COLABORACIÓN.