O alumnado do STEMBach do Sofía fixo un artigo publicado no blog do EDL que tedes a disposición entre as pestanas superiores desta publicación, no que se facía unha recopilación das propostas instutucionais para a celebración deste Mes da Ciencia en Galego. Desde este blog da nosa biblioteca queremos destacar a figura de Andrés Avelino Comerma y Batalla a quen este ano a Real Academia Galega de Ciencias rende homenaxe e que contou coa aportación do seu bisneto, o profesor Luis Puig Mosquera, no acto de celebración do Día da Ciencia en Galicia que tivo lugar o 8 de outubro.
O Catedrático de matemáticas Luis Puig Mosquera, foi o encargado de facer unha semblanza do seu bisavó na conferencia inaugural do Día da Ciencia en Galicia 2020. Nunha xornada que estivo presidida polo presidente da Real Academia Galega de Ciencias, Juan M. Lema Rodicio, e polo presidente da Xunta de Galicia, Alberto Núñez Feijoo. Como podeder ver nos vídeos que vos deixamos aquí.
Esta institución tamén lle adica o seu anuario a este enxeñeiro e arquitecto naval, Andrés Comerma que en palabras de Luis Puig Mosquera “Era unha mente de vangarda que serviu a Ferrol e a Galicia" e "unha personalidade inqueda ávida de novos coñecementos” que non se limitou únicamente ó campo da enxeñería naval, no que destacou sobradamete, senón que se interesou por todo tipo de innovacións científicas e técnicas desde a electricidade, os raios x, a telefonía, e un amplo abano de campos dos que dan conta as súas viaxes ás Exposicións Universais de París e Londres e as súas publicacións que vos deixamos a continuación:
COMERMA Y BATALLA, A. A. (1868): Curso práctico de construcción naval. Ferrol: Imp. de El Eco Ferrolano. Primeiro libro de texto oficial sobre o tema e medalla de prata na Exposición Marítima de Barcelona.
COMERMA Y BATALLA, A. A. (1879): Ligeros apuntes de la Exposición internacional de París de 1878, por Un Testigo Ocular, A Coruña: Tip. de El Comercio.
COMERMA Y BATALLA, A. A. (1.884): La Exposición Internacional de Pesca de Londres en 1883. Ferrol. El Correo Gallego.
COMERMA Y BATALLA, A. A. (1885): Apuntes sobre la Exposición Internacional de Higiene y Educación celebrada en Londres en 1884, A Coruña.
COMERMA Y BATALLA, A. A. (1903): Los castillos feudales de Moeche, Narahío y Andrade, Ferrol: Imp. de El Correo Gallego.
Para rematar queremos deixarvos como referencia bibliográfica sobre ese notable enxeñeiro, esta obra na que participou Luis Puig como autor.
E, por último, deixamos este lugar no que podedes atopar imaxes antigas sobre a construción do Dique da Campá do que tomamos esta fermosa imaxe; se picades nela podedes acceder ó blog.
