Ola rapazada!
Onte celebramos o Día do Libro e, como é tradición no noso centro, adicamos esta semana a moitas actividades na biblioteca.
Estamos a espera de coñecer os gañadores do II Concurso de Poesía e, aínda que sabemos que estades un chisquiño intranquilos, debedes esperar un pouco máis.
Mañá virá visitarnos a escritora Antía Yáñez e falará de tres das súas obras con rapaces do Club de Narrativa Xuvenil e cos de Literatura Galega do Século XX. Por ese motivo tivemos hoxe un encontro cos lectores de bacharelato para preparar as demandas que se completará con outro que teremos mañá cos máis pequenos. Leron Senlleiras os rapaces de 4º e de Bacharelato e O misterio de Portomarín e O misterio do torque de Burela, o alumnado de 1º, 2º e 3º da ESO.
O martes 29 contaremos coa presencia de Bea Lema, autora do premiado volume O corpo de Cristo. Para aproveitar máis a súa visita, onte xuntámonos na biblio os rapaces de 4º (que xa falaran del) e os de 1º de Bac.
Por último, hoxe fixemos un roteiro en feminino por Ferrol, da man da guía Isabel que desentrañou para os rapaces de Literatura Universal e Literatura Galega do Século XX moitas claves da labor de mulleres coñecidas (raíña Mariana de Neoburgo, Concepción Arenal, Ángela Ruiz Robles...) e descoñecidas (lavandeiras, carboeiras, aguadoras, pescantinas...) na nosa cidade.
