venres, 21 de decembro de 2018

A NOSA FELICITACIÓN DE NADAL

Ola rapaces!

Xa cerca do Nadal, queremos celebrar con todos vós esta festa universal. E facémolo coa imaxe da nosa árbore de margaritas. 
Noutras entradas xa falamos do simbolismo destas flores, vencellado ao Día de loita contra a Violencia de Xénero. Quixemos aproveitar o esforzo de tantos de vós deseñando margaritas, escribindo as vosas mensaxes nelas, en catro idiomas. E desgraciadamente aínda hoxe temos que seguir lamentando máis mortes, máis perdas  insubstituíbles.
Por iso cobra máís valor o noso posicionamento e as nosas flores. En realidade, esta árbore é simbólica, non é só unha árbore para a reflexión e  a denuncia, senón tamén para a esperanza. Como di Ana Seco, a nosa vicedirectora. Por esa razón, seguimos plantándonos contra a violencia. Para que non teñamos que dicir, como premonitoriamente vislumbrou Federico García Lorca:






Cuando se hundieron las formas puras bajo el cri cri de las margaritas, comprendí que me habían asesinado.




BO NADAL!







xoves, 20 de decembro de 2018

CELEBRANDO O NADAL COS NOSOS MAIORES

Ola rapaces!
Hoxe tivemos unha nova sesión de voluntariado na que procuramos levar algo de ledicia aos nosos amigos do veciño xeriátrico.
Logo de preparar os textos e as manualidades, fomos visitar aos maiores. Coma sempre, Cinthia exerceu de estupenda presentadora. E logo un grupo de lectoras (María, Sara, Sabela, Irene, Esperanza e Carla) puxeron as súas voces no conto de A Vendora de Fósforos de Hans Christian Andersen, conto triste pero típicamente navideño. 
A continuación, o noso Papa Noel particular (Diego) repartiu agasaios e agarimos. 
Para rematar, o resto do equipo (éramos tantos que non poido citar a todos) entregamos as estrelas feitas por nós en forma de veliñas que querían representar o conto da cerilleira.
Aínda que foi un ratiño moi pequeno o que puidemos estar cos maiores, pagou a pena por ver os seus sorrisos. 
Agradecemos a todos que dedicárades o voso ocupado tempo neste labor. Sodes únicos!

Bo Nadal!  

Vémonos en xaneiro.

martes, 11 de decembro de 2018

NOVA SESIÓN DO CLUB DE LECTURA

Ola rapaces!
Hoxe tivemos a segunda xuntanza do noso Club de Romántica. Comemos, como vén sendo habitual, cos compañeiros do Club de Manga e ata tivemos a visita de Adrián, un rapaz do IES Concepción Arenal.



Como estamos en plenos exames, a asistencia non foi todo o completa que desexamos, pero o comprendemos. Aínda así, xuntámonos un bo grupiño e decidimos facer unha primeira presentación conxunta dos dous clubs. 



Pola súa parte, María del Pilar falounos da novela romántica de John Green, Buscando a Alaska e púxonos un interesante booktrailer sobre a mesma.



A continuación, Iago Grandal tratou do Manga: Your Name, recomendado outras veces neste blog. Parecéunos moi interesante o feito de que a película precedese ao cómic. Verdadeiramente, trátase dunha obra mestra do anime.
Logo, separámonos os dous grupos e os do Club Xuvenil aproveitamos para facer traballos de voluntariado interno e para dar un repasiño aos exames.
Sorte a todos!
E ánimo coa vindeira lectura, A princesa prometida.

martes, 27 de novembro de 2018

LECTURAS CONTRA A VIOLENCIA DE XÉNERO

Ola rapaces!
Seguindo coa  nosa entrada anterior, na semana de loita contra a violencia de xénero, agora dende o equipo de biblioteca queremos recomendarvos algunhas lecturas que axuden a reflexionar sobre as consecuencias devastadoras desta lacra.



Aquí a tedes, podédela atopar na mesa onde plantamos as nosas margaritas cos vosos nomes:


  • Machismos: de micro nada.
  • Covardes de María Xosé Porteiro.
  • Persépole de Marjane Satrapi.
  • El diario azul de Carlota de Gemma Lienas.
  • Libro do mal amor. Haikus contra a violencia de xénero.
  • O que sei do silencio de Andrea Maceiras.
  • As horas roubadas de María Solar.
  • Valerosas de Pénélope Bagieu.
  • A Silent Voice de Yoshitoki Oima.
  • Shino no es capaz de decir su propio nombre de Shuzo Oshimi.
  • Pioneiras. Galegas que abriron camiño de Anair Rodríguez.
  • Desgracia de J.M. Coetzee.
  • El color púrpura de Alice Walker.


Boas lecturas para todos!





domingo, 25 de novembro de 2018

25-N. DÍA INTERNACIONAL CONTRA A VIOLENCIA DE XÉNERO

Ola rapaces!
Seguro que vos tedes preguntado sobre a estación na que estamos. Como é posible que a punto de rematar novembro e entrar no inverno, florezan tantas margaritas en todos os recunchos do noso instituto?
A resposta atopámola precisamente na data de hoxe, 25 de novembro, Día Internacional contra a Violencia de Xénero. 
Aínda que durante a próxima semana abundaremos sobre as nosas actividades e a floración "margaritil" que nos invade, non queriamos deixar pasar a data precisa para lembrar que somos moitos os que nos plantamos frente a esta sangrante lacra que deixa demasiados mortos: mulleres, nenos, homes, encima da mesa, víctimas con nome e apelidos, cunha vida truncada, máis efímera ca das propias margaritas, persoas que non son meras estatísticas.
Atentos pois ao noso blog onde propoñeremos textos dende a biblioteca que nos axudan a reflexionar sobre este duro asunto, seguindo a estela que mediante o proxecto de diversidade do curso pasado xa traballáramos.
Tamén aproveito para informar que a xuntanza de voluntariado do vindeiro martes, queda aprazada ata novo aviso.
Bo domingo e ata pronto. 

xoves, 22 de novembro de 2018

MES DA CIENCIA EN GALEGO


Ola rapaces!
Este mes de novembro adicado á Ciencia en Galego está a ser moi prolífico en actividades no noso instituto. O alumnado de Bacharelato repartiuse esta semana para asistir a dúas interesantes actividades:


 Desde os departamentos de Filosofía (materia Psicoloxía) e de Ciencias Naturais, programouse a asistencia dun grupo de 2º de BAC á conferencia do científico e divulgador Xurxo Mariño, “A música de mente” que tivo lugar o día 20 no Pazo da Cultura de Narón. Se queredes saber algo máis do tema podedes consultar na biblioteca do centro "Neurociencia para Julia".  Tamén tedes máis información na web do instituto.







Por outra banda, outra parte do alumnado de 2º de BAC viaxou a Santiago de Compostela para asistir a un acto institucional co conselleiro de Cultura e Turismo, Román Rodríguez. Dito acto contou ademais co relatorio do noso catedrático de Matemáticas Luis Puig Mosquera sobre "As simetrías do Pórtico da Gloria”. Esta actuación enmárcase dentro das actividades do Mes da Ciencia en Galego promovidas polos Equipos de Dinamización da Lingua Galega coa finalidade de visibilizar a utilidade da lingua galega como instrumento de pescuda e de divulgación científica. 
Este 2018 foi declarado Ano Europeo do Patrimonio Cultural, e se buscou poñer de relevo a cultura científica e a cultura galega como patrimonio cultural europeo. En consonancia con isto, os científicos destacados foron Arquímedes, e o mestre Mateo, arquitecto do Pórtico da Gloria, tal como informa o blog do equipo de dinamización. 
Deixovos outros medios onde atoparedes máis infomación: Portal da Lingua Galega. Portal da Cultura Galega.La Voz de Galicia.



Para rematar aquí podedes atopar libros sobre Ciencia en Galego para traballar, informarvos ou para o voso tempo de lecer.


mércores, 14 de novembro de 2018

CUMBRES BORRASCOSAS

Ola rapaces!
Onte foi a primeira xuntanza do Club de Novela Romántica. Coincidimos na comida cos rapaces do Club Manga que logo marcharon á aula de informática a ter a súa reunión, da que dará conta a correspondente entrada no blog de Manga.



Nós quedámonos con Emilio e case en familia, pois faltaron Daniela e Sara que están nas xornadas de inmersión de inglés. Pero esa intimidade foi propicia para invocar a fantasma de Cathy e falar da súa descomunal paixón por Heathcliff.
Pilar fixo unha presentación, que colgamos aquí, que tiña dúas partes:
  • Un percorrido pola vida e obra desta familia tan peculiar, os Brontë, que deu tantas artistas.
  • Unha análise da novela de Emily Brontë: Cumbres borrascosas, parándonos tamén nas súas versión cinematográficas e musicais.

Non houbo demasiado debate e quedamos emprazados para a seguinte novela de John Green, que non vai ser a que inicialmente falamos de Bajo la misma estrella sino Buscando a Alaska.



Non me esquezo de contar que Vily falounos da preparación da celebración do Día Internacional contra a Violencia de Xénero, día 25 de novembro. Consiste no deseño dunhas margaritas que decorarán todo o centro coa mensaxe de "Plantate fronte a violencia". Seguiremos informando máis adiante desta actividade.



Vídeo da presentación feita por Pilar Berrio, a profesora de Literatura Española.



                                   Tamén nos deixou actividades de lectura.

martes, 6 de novembro de 2018

10 RELATOS DE MEDO, ESPÍRITUS E TERROR

Ola rapaces!
Aproveitando o Samaín que a iniciativa do Equipo de Dinamización Lingüística do centro estamos a celebrar co concurso de cabazas e un magosto, a biblioteca propón unha selección de dez relatos (tamén hai teatro) de medo, espíritus e terror. 



Acompañan a tenebrosa decoración (obra de Vily e Antía, como non) que temos no corredor central. Así que entre caveiras, teas de araña e espigas podedes atopar suxestións coma:




  • Frankenstein de Mary Shelley.
  • Drácula de Bram Stoker.
  • Contos de Edgar Allan Poe.
  • Leyendas de Gustavo Adolfo Bécquer.
  • Don Juan Tenorio de José Zorrilla.
  • A chamada de Cthulhu de Lovecraft.
  • Os vellos non deben namorarse de Castelao.
  • El resplandor de Stephen King.
  • La casa de los espíritus de Isabel Allende.
  • Os barbanzóns. A noite de Samaín de Pepe Carreiro.


Na biblioteca temos moitos máis.



Horripilantes e terroríficas lecturas que desexamos vos deixen sen alento e cheos de pesadelos!



mércores, 31 de outubro de 2018

SAMAÍN CELTA



Ola rapaces!

Hoxe 31 de outubro festa do Samaín, os alumnos de 1º da ESO na nosa biblioteca fixeron presentacións e actividades relacionadas coa festa celta. Con tal motivo algúns viñeron vestidos facendo alusión ó culto aos mortos que era a finalidade desta celebración. Seguiremos informando sobre o concurso de decoración de cabazas e espigas que se vai celebrar na próxima semana no instituto.

  

xoves, 25 de outubro de 2018

SEIS POEMAS GALEGOS DE LORCA

Ola rapaces!
Como sabedes, celebramos o Día Mundial das Bibliotecas do pasado 24 de outubro da man dun dos maiores xenios das nosas letras, Federico García Lorca. Decoramos o centro coas súas palabras tomadas do discurso de inauguración da biblioteca pública de Fuentevaqueros, o seu pobo natal. 
Alguén comentounos que poderíamos aproveitar para difundir os seis poemas galegos que, coa colaboración do ferrolán Eduardo Guerra da Cal, amigo do poeta granadino, éste escribió logo da súa viaxe por terras galegas co teatro universitario A barraca.
Así que  non quixemos desaproveitar a ocasión e fixemos un montaxe cos poemas e algúns debuxos. Estes xa decoran as nosas paredes. E se vos pregontades por que están alí e a que conto ven, pois a resposta é moi sinxela. Porque nos petou.

Bicos.

mércores, 24 de outubro de 2018

DÍA INTERNACIONAL DAS BIBLIOTECAS. VOLUNTARIADO

Hoxe, 24 de outubro, celébrase en todo o mundo o Día Internacional das Bibliotecas. Teredes visto, rapaces, por todo o instituto os carteis que fixemos para conmemorar esta data. Son fragmentos do discurso de Federico García Lorca na inauguración da biblioteca do seu pobo natal, Fuentevaqueros (Granada). Tedes que lelo con calma, son moi fermosas as súas palabras.

Ademais, o grupo de voluntariado da biblioteca tivo a idea de celebrar esta data coa primeira visita desta tempada ao xeriátrico. Así que hoxe quedamos a xantar xuntos despois das clases, preparamos un cartel conmemorativo, ensaiamos os textos e recortamos corazóns para logo facer a actividade cos anciáns. Agradecemos a Victoria que nos botara unha man e damos a benvida a todos os novos participantes no noso voluntariado.

Os maiores recibíronos con moita ledicia, coma sempre. Logo de explicar un pouco en que consistía a celebración, lemos fragmentos do discurso de Lorca e puxémoslles a cada un unun coraz co seu nome. Vily agasallounos cun fermoso libro-floreiro, feito con esas mans que Deus lle deu. Rematamos cunha lectura de frases literarias célebres.

Esperamos que o disfrutárades, confiamos en que os que non puideron vir por mor das súas moitas ocupacións poidan facelo máis adiante. Agradecemos a todos a vosa colaboración. José Luis ten paciencia cos teus actores, intentaremos non poñer máis visitas coincidendo cos ensaios.

E para todos, FELIZ DÍA DAS BIBLIOTECAS!


mércores, 10 de outubro de 2018

O CLUB DE ROMÁNTICA INICIA A SÚA ANDAINA

Ola rapaces!
O pasado martes comezamos unha nova tempada do noso Club de Lectura xuvenil que xa vai polo seu noveno curso. Como pasa o tempo!
Non quero poñerme sentimental, mais o caso é que este curso si que imos poñernos un pouquiño romanticóns porque convencéronme as Danielas and Company para adicar o noso itinerario lector precisamente á novela romántica. Pero que quede ben clariño dende o principio. Imos ler boas novelas, non cursilerías, eh?
Así que, efectivamente, coa incorporación de algúns pequenos como Toni, Miguel ou Santi, e de grandes como Manuela, iniciamos o club de romántica. Imos ir tamén viaxando no tempo, así que alternaremos textos máis moderniños con auténticos clásicos do xénero.

Polo de pronto tedes que prepararvos para ter grandes emocións con Cumbres borrascosas de Emily Brontë. 



Sei que a proposta foi moi ben recibida e pronto quedaron repartidas as moderacións das sesións.
Así que a ler. Vémonos o vindeiro mes. Estade atentos as novas adquisicións.

martes, 9 de outubro de 2018

VISITA DE ALUMNOS FINLANDESES E GALESES

Ola rapaces!
Onte, na nosa biblioteca tivemos a sorte de contar cuns visitantes moi especiais. Tratábase dun grupiño de profesores e alumnos de Finlandia e de Galés, que están facendo un intercambio nas nosas aulas. 
A biblioteca agasaioulles cun "breakfast" a cargo do centro e servido por Loly e Belén que foi moi do gusto de todos.
Logo, dúas das nosas máis activas colaboradoras, Cinthia e Laura (de 1º de BAC) faláronlles das nosas actividades na biblioteca.
Foi un auténtico pracer termos conosco.
Bo traballo!



mércores, 19 de setembro de 2018

BENVIDOS AO NOVO CURSO

Ola rapaces e rapazas!:

Socas, que son eu, a mascota da nosa biblioteca, douvos a benvida ó novo curso e, particularmente ás actividades da biblioteca.
De xeito especial quero animar aos novos, ós de primeiro de ESO e ós de primeiro de BAC, a coñecernos. 
Para iso quedades convocados a unha primeira xuntanza xeral de todos os Clubs:
  • Club de Manga.
  • Club de Lectura.
  • Club de Voluntariado.


A reunión terá lugar o vindeiro martes día 25 de setembro no primeiro recreo na biblioteca. 

Espérovos!

martes, 3 de xullo de 2018

PROXECTO "DIVERSIDADE NA LITERATURA"

Ola rapaces!
Si, xa sei que chegou o verán e que comezaron as vacacións. Pero quedoume pendente facer a reseña dun proxecto precioso levado a cabo polo enorme traballo dun profesor (axudado, enténdese, polos seus alumnos e algúns compañeiros), Daniel Iglesias Torrente. O certo é que sen o seu empeño dito proxecto non tería sido posible. Que aínda non falei do contido deste proxecto? Certo. Pero que mal me sentan as vacacións! 
O mellor será remitirvos á páxina web feita por Dani onde se explica todo e onde están colgados os vídeos dos colaboradores. 
Tan só direi que o proxecto chámase "Diversidade na Literatura" e que partiu dun lote de libros. (Como se non?) Si, dun lote de libros agochados nunha maleta viaxeira que veu dende o CFR e que trouxo ao noso centro novas e vellas ideas acerca da igualdade dentro da diversidade. Facendo bandeira do respecto a ditas diferencias de xénero, de razas, de aptitudes e capacidades, de relixións, de ideas... E que tratan de fomentar a curiosidade, a apertura e o acollemento. Valores propios de cidadáns que xa somos todos nunha democracia.


E logo de poñerme así de solemne, soamente me resta desexarvos, xa sí, a todos, un bo verán cheo de sol (crucemos os dedos), relax e boas lecturas.
Ata setembro!

mércores, 27 de xuño de 2018

MORREU XABIER P. DOCAMPO

Onte morreu un escritor dos que sempre estaba nas listas dos máis lidos e emprestados da nosa biblioteca. Xabier P. Docampo, ao que debemos historias tan fascinantes coma 



  • O pazo baleiro, 
  • Cando petan pola noite, 
  • O misterio das badaladas.
  • A illa de todas as illas.
  • O armario novo de Rubén.


A prensa local e nacional faise eco da triste nova con titulares como "el  niño que se hizo escritor escuchando a sus padres", "un lujo para la literatura galega".
As súas historias acompañarannos sempre.


Descanse en paz!


martes, 26 de xuño de 2018

TRÍPTICO DE VERÁN

Ola rapaces!
Xa está aquí o tríptico de verán no que vos recomendavos lecturas para este tempo de lecer. Este curso, Vily rompeu a cabeza para cadrar as suxestións de tantos colectivos como temos. Así que aparecen recomendacións de:
  • Alumnos.
  • Profesores (Daniel Iglesias).
  • Club de Lectura de Adultos.
  • Club de Lectura xuvenil de novela histórica.
  • Club de Voluntariado da biblioteca.
  • Club de Lectura xuvenil romántica.
  • Club de Ciencias.
  • Os correspondentes.
  • Club de Manga.
  • Cómics.
  • En galego.
  • Letras Galegas 2018.
  • Aniversarios.
  • Deixáronnos este ano.


No propio tríptico hai un código QR no que podedes ler as reseñas de cada libro pois enlazan coa páxina "Socas recomenda" de este mesmo blog.

Así que xa non tedes excusa para decir. "E que non sei que ler este verán".
Vémonos! 


luns, 25 de xuño de 2018

O NOSO VOLUNTARIADO NA REVISTA EDUGA

Ola rapaces!
Hoxe estou aquí para falarvos dun artigo que Vily e Pilar publican na revista EDUGA (Revista Galega do Ensino), nº 75. Nel fan un resumo do noso proxecto de Voluntariado. Cóntannos como xurdiu a idea, como foi fraguándose o proxecto, como contribúe á consecución das competencias básicas da ESO.
Acompáñase cunha selección de fotos das nosas actividades e cun anexo sobre películas e libros que falan dos nosos maiores.
Aquí podedes ver o enlace.

Esquecíame expresar o noso agradecemento á profesora Chus Paz Picos pola súa colaboración na corrección lingüística do artigo. Graciñas, Chus!

xoves, 21 de xuño de 2018

NOVAS ADQUISICIÓNS DE CÓMICS

Ola rapaces!
Hoxe quería recordarvos que acabamos de mercar un bo lote de cómics do máis actuais e que próximamente chegarán os mangas. Están a vosa disposición para o préstamo de verán.
Deixovos unha lista. Dalgúns de eles próximamente os ampliaremos información porque aparecen na nosa páxina "Socas recomenda".


  • Nieve en los bolsillos de Kim
  • El arte de volar de Kim
  • Siete sitios sin ti de Juan Berrio.
  • Te quiero de Juan Berrio.
  • El invierno del dibujante de Paco Roca.
  • Píldoras azules de Frederik Peeters
  • A balada do Nord de Alfonso Zapico.
  • Dublinés de Alfonso Zapico.
  • ¡Salud! de Nadar
  • Papel estrujado de Nadar.
  • Valerosas 1 y 2 de Penélope Bagieu.
  • Resistiré de Penélope Bagieu.
  • Bella muerte de Emma Ríos.
  • Duerme pueblo de Xulia Vicente.
  • Cuaderno de tormentas de David Rubín.
  • El circo del desaliento de David Rubín.


mércores, 20 de xuño de 2018

VIII FESTA DAS TARTAS LITERARIAS

Ola rapaces!
Onte foi a nosa súper festa das tartas literarias coa que tradicionalmente despedimos o curso na biblioteca. Todo resultou xenial, agás a lesión de Vily que a impediu acudir coa súa tarta-cofre do tesouro.
Esta vez éramos moitos e un pouco ruidosos de máis. Como nos xuntamos de todos os clubs: novela histórica, voluntariado, Manga, obradoiro de escritura e, máis, teatro, aquilo case foi moito. E Pilar a piques de morrer. Menos mal que as vacacións están ás portas.
O dito. Foi xenial. Pero o mellor resumo o fixo Estela do club de voluntariado nas súas palabras de whatsap, que me permito copiar aquí:
"Me encantó formar parte de este club, gracias por las nuevas experiencias, por todas las cosas que aprendimos... En este poco tiempo ya nos hemos hecho una familia donde todos buscamos ayudar a la gente y sobre todo a las personas de la tercera edad. Me gustó mucho las actividades que hicimos, ya que en cada visita conseguíamos pasarlo todos bien. También nos habéis demostrado que con hacer algo simple y pequeño puede hacer que aprendamos mucho y podamos pasar un rato divertido. Muchas gracias a Vily y a Pilar por estar dispuestas y tener tantas ideas para hacer y sobre todo por querer pasar vuestro tiempo libre con nosotros haciendo estas actividades."

Grazas a ti, Estela, por poñer verbas aos sentimentos de todos.
Esperamos seguir así o ano que ven.
Vémonos.


martes, 19 de xuño de 2018

BOLETÍN DE NOVAS ADQUISICIÓNS

Ola rapaces!
Como cada ano, xa está a vosa disposición a nova edición do noso Boletín de Novas Adquisicións. Nel podedes comprobar todos os fondos que fichamos este curso na biblioteca, tanto procedentes de doazóns como de adquisicións. En total son case 800 que se reparten entre libros e películas.
O comezo das vacacións é o momento idóneo para botar unha vista atrás e ver o que fixemos. Aproveitar a sacar libros para o verán.

luns, 18 de xuño de 2018

VIII FESTA DAS TARTAS LITERARIAS

Ola rapaces!
Como cada ano, rematamos o curso cunha festa moi doce. E que xa vai pola súa VIII edición. A nosa Festa das Tartas é xa un clásico e nos trae, ademáis da súa dozura, un regusto a fin de curso, a verán. Despedimos o curso, avaliamos o noso labor. E damos tamén así a benvida ao tempo de lecer, que desexamos sexa tamén tempo de ler.
Non esquezades traer a vosa tarta, bica, galletas, bizcoito, filloas, cup cakes, gofres, flans, bombóns... Sorprende aos teus compañeiros co teu arte reposteiro.

venres, 15 de xuño de 2018

TEATRO EN GERIATROS

Ola rapaces!
Hoxe, como colofón ao noso primeiro curso dentro do programa de voluntariado, asistimos á representación que os compañeiros do Grupo de Teatro fixeron en Geriatros. 
Foron acompañados por moitos dos voluntarios que axudaron en todo canto fixo falta: presentación, maquillaxe, transporte, fotografías, aplausos...
Dada a premura de tempo, José Luis, o seu director, decidiu facer soamente o terceiro acto da obra Polo interés quérote, Marqués. Os avós acolléronos con moito agarimo e riron co descaro e simpatía dos actores. A todos (aos que son do grupo de voluntariado, a aos que non), queremos dende aquí dar a máis expresivas grazas pola doazón do seu tempo e da súa arte. 

Velaiquí o elenco:

  • Diego como Marqués.
  • María como a súa nai.
  • María como a criada.
  • Pablo como Barón.
  • Daniela como Gracia.
  • Andrea como a súa filla.
  • Iván como electricista.
  • Sara como aprendiz de electricista.
  • Arón como vendedor de enciclopedias.
  • Laura como a porteira.
  • Javi como o seu neto.
  • Bastián como presentador.
  • Aldryn como técnico de son.
    • Dirixidos por José Luis Paz.

Esperamos que o vindeiro curso voltemos todos con máis ganas tanto ao Grupo de Teatro coma ao voluntariado.
Feliz verán!



martes, 12 de xuño de 2018

A EXPERIENCIA COA MALETA VIAXEIRA DE MATEMÁTICAS

Ola rapaces!
Sabedes que este curso fixemos unha actividade nova que consistiu en ler títulos dunha maleta viaxeira que cedeunos a Asesoría de Bibliotecas Escolares. Tratábase dunha maleta temática sobre matemáticas. Varios profesores deste Departamento traballaron con ela: Gloria, Raquel, Michael. Precisamente Gloria dexounos a opinión de algúns dos seus alumnos. 

"Este curso hemos recibido en el centro la “maleta matemática viaxeira” lo que nos ha permitido, todavía un poco más, darnos cuenta de que la biblioteca del centro tiene mucho que aportar a todas las materias del currículo, incluida las matemáticas.

Una maleta cerrada siempre es una sorpresa, y esta lo fue. Un eje común, las matemáticas, muchas opciones de lectura (novela, cómic, pasatiempos, vídeos, historia, etc...) todo al servicio de los alumnos.
La reacción de los alumnos de ESO que pudieron disfrutar de ella fue muy positiva. El hecho de tener una variedad tan grande de libros y formatos hizo que tuviéramos opciones para todos los gustos, incluso para esos alumnos poco amigos de los libros.
Una buena experiencia que espero que se pueda repetir."


luns, 11 de xuño de 2018

CARTEL DA SAÍDA DO 15 DE XUÑO DO VOLUNTARIADO BIBLIOTECA


Ola a todos!
O grupo de teatro do instituto que dirixe o profesor Xosé Luís Paz, está composto na súa maioría por membros do club de voluntariado polo que pensamos finalizar, este curso, as actividades do voluntariado da biblioteca, levándolles un acto da obra aos avós da residencia Geriatros. O resto dos membros do grupo temos previsto ler e explicar os actos anteriores para poder seguir o argumento. Esperamos que lles guste ao noso estimado público e deste xeito tan festivo despedirnos ata o próximo curso, que seguro volveremos compartir con eles ilusión, humor e risas. 
Deixámosvos aquí o cartel da reunión do club.

sábado, 9 de xuño de 2018

NOVO LIBRO DE HENRIQUE DACOSTA

Ola rapaces!
O pasado xoves, día 7 presentouse un novo libro dun autor ferrolán moi coñecido por todos nós: Henrique Dacosta. No acto falou o noso compañeiro Guillermo Ferrández quen salientou o mundo peculiar do escritor, vencellado ao realismo máxico, que está a conformar un novo imaxinario coa toponimia de O Priorio, Cobas, Canido, Ferrol en definitiva...

O libro titúlase Á deriva, que é o nome do primeiro dos relatos curtos que compoñen esta selección que edita Belagua. 



Parabéns a Henrique! Autor que apreciamos moito no Sofía, pois, ademais de estar casado con Victoria, a nosa compañeira, xa nos visitara tempo atrás no Club de Lectura de Adultos coa súa novela, Os desherdados.
Penso que estes relatos poden acompañarnos perfectamente nas tardes soleadas de verán que agardamos.


xoves, 7 de xuño de 2018

TRABALLOS DE 3ºA SOBRE A VIDA DE CERVANTES

Ola rapaces!
Xa fai días que quería recoller aquí o traballo feito polos alumnos de 3ºA na súa clase de Lingua Castelá e Literatura. Decoraron as paredes da áula con carteis sobre a vida do noso máis internacional dos escritores, don Miguel de Cervantes.

Completaron o seu coñecemento sobre o autor do Quixote, investigando sobre a súa vida, e melloraron a súa competencia dixital realizando un eixe cronolóxico (en distintos formatos) sobre os feitos máis salientables da sus peripecia vital.

Bo traballo, rapaces!

mércores, 6 de xuño de 2018

DÍA MUNDIAL DO MEDIO AMBIENTE


Ola rapaces!
O día 5 de xuño celebramos o Día Mundial do Medio Ambiente. Dende a biblioteca queremos colaborar co Departamento de Bioloxía e Xeoloxía e lembrar a necesidade de diminuír o emprego de plásticos que fan moito dano ao medio mariño e terrestre.
Os alumnos de 1º Bacharelato B, coa súa profesora Pilar Berrio, baixaron ao corredor central e decoraron cunhas letras que din "#SinContaminaciónPorPlásticos" ou "#BeatPlasticsPolllution".
O Departamento de Bioloxía preparou uns vídeos que axúdanos a tomar conciencia deste grave problema que nos afecta a todos.

domingo, 3 de xuño de 2018

O NOSO CENTRO NAS XI XORNADAS DO CLUBS DE LECTURA

Ola rapaces!
Onte a nosa coordinadora Pilar Berrio, no nome do todos nós, falou das actividades do Club de Lectura nunha mesa redonda: "Estratexias para a selección de lecturas" no marco das XI Xornadas que levan por título Encontro de Clubs de Lectura en Santiago de Compostela.

Estamos satisfeitos de que, deste xeito, se dea visibilidade ao noso itinerario lector de novela histórica que levounos dende a prehistoria, a Roma Clásica, a Idade Media, ao descubrimento de América, a Galicia do XVI, a expedición da variola de 1803 e a Guerra Civil.

Aprendimos moito e queremos seguir viaxando pola historia o curso que vén.

Moitos compañeiros doutros centros felicitáronos e iso incrementa as nosas ganas de seguir a traballar pola lectura e o coñecemento.
Graziñas a todos!