NOVA SESIÓN DO CLUB DE POESÍA

Ola rapaces! O pasado venres xuntouse o noso Club de Poesía a carón do Obradoiro de Escritura. 

Falamos do que cada quen estaba a ler (Javi Penúltimas tendencias de Carlos Negro, Sara Cantares Galegos de Rosalía, Iago Poesía completa de John Keats...) e tamén a escribir. 

Gabriel está escribindo un poema narrativo e comentamos o feito de pensar primeiro o caracter dos personaxes antes que a trama da historia.

A antigua alumna Sara Pena contounos que está a grabar un rap que ela misma fixo a letra e a música. Estamos desexando escoitarla!

8 DE MARZO, DÍA DA MULLER

Ola compañeir@s.

O 8 de marzo é  o Día Internacional da Muller, este curso debido ás medidas do protocolo Covid do centro tivemos que adaptar as celebracións e actividades desta xornada. Nas distintas áreas os responsables e os titores puxeron en práctica algunhas iniciativas das que vos informaremos noutro artigo pero hoxe queremos deixarvos a que encheu de carteis a entrada e os corredores do centro. O Alumnado da ESO e Bacharelato das materias de TIC 4º, TIC I e TIC II, coordinados polo Departamento de Tecnoloxía, decidiron participar no: IV CONCURSO DE CARTEIS 8M DÍA INTERNACIONAL DA MULLER, covocado pola XUNTA DE GALICIA (Secretaría Xeral de Igualdade).

O inxenio e a creatividade do noso alumnado deu como resultado uns carteis de gran calidade e vistosidade nos que se abordaron moitos dos temas da actualidade como é o caso de estes dous que están aquí e que  son os máis comentados entre os artistas que participaron.

Para que vexades o resultado deixamovos unha presentación. Non queremos despedirnos sen felicitar e recoñecer o talento e o traballo de este alumnado e do porfesorado deste Departamento. Desde aquí dámoslles as grazas por permitirnos disfrutar destas pequenas obras de arte.

24 DE FEBREIRO DÍA DE ROSALÍA DE CASTRO

Ola compañeiros!

Este curso 2021-21 debido ás restricións impostas para o desenvolvemento das actividades lectivas, seguido as instrucións do protocolo Covid do centro, desde os Departamentos de Orientación, Dinamización Lingüística e da Biblioteca facemos unha proposta de actividade para levar ás aulas.

1º- 2º da ESO.

Para os primeiros cursos da ESO, introducimos ó alumnado no mundo de Rosalía por medio vídeos como este:

1.- PEQUENA ROSALÍA

2.- ESCOITAMOS:

Algúns poemas de Roslalía de Castro  musicados por distintos autores como Luz Casal, es a súa versión de Negra Sombra. Tras escoitar a letra atentamente, podemos completar con frases os espazos en branco das imaxes das notas musicais, que deixamos a disposición dos titores en fotocopias , na mesa da entrada do centro. Unha vez que o alumnado poña algún verso nesas notas musicais compoñeremos un mural cun pentagrama simbólico na entrada do instituto.

3º-4º da ESO.

1.- Facer un vídeo con imaxes libres que expresen con imaxes a mensaxe ou o texto dalgún dos poemas musicados de Rosalía de Castro.

-RECURSOS SON DOS POEMAS MUSICADOS

Adiós ríos, adiós fontes (Rosalía de Castro - Luis Emilio Batallán)
Airiños, airiños aires (Rosalía de Castro - Prudencio Romo)
Campanas de Bastabales (Rosalía de Castro - Amancio Prada
Cando era tempo de inverno (Rosalía de Castro - Amancio Prada)
Corre o vento, o rio pasa (Rosalía de Castro - Amancio Prada)
Negra sombra (Rosalía de Castro - Xoán Montes)
Vamos bebendo (Rosalía de Castro - Amancio Prada)
https://www.cancioneros.com/nc/17506/0/adios-rios-adios-fontes-rosalia-de-castro-luis-emilio-batallan
        REPOSITORIOS DE IMAXES LIBRES DE DEREITOS
Lembramos a necesidade de empregar imaxes libres de dereitos e facer constar nos vídeos a autoría da música ou audios que empreguemos para facer o noso vídeo.
https://pikwizard.com/ http://compfight.com https://pixabay.com/es/
https://picjumbo.com/ https://burst.shopify.com/

Aquí deixamos imaxes e vídeos da actividade.

Día da Muller e a Nena na Ciencia

Ola rapaces!

O 11 de febreiro celebramos, impulsado pola ONU, o Día Internacional da Muller e a Nena na Ciencia, este ano co lema: "Máis aló das Fronteiras: Igualdade na Ciencia para a Sociedade". Sabemos que nos últimos anos, a comunidade internacional ven de facer un gran esforzo para promover a participación das mulleres e as nenas na ciencia. Aínda así, a brecha de xénero nos sectores da ciencia, a tecnoloxía, a enxeñería e as matemáticas (STEM) persiste en todo o mundo. 

Por este motivo, desde os centros educativos, póñense en marcha inicaciativas como a da Universidade de Vigo, na que ó longo do mes de febreiro, un total de 32 investigadoras e un investigador ofreceranlles a 34 centros educativos de toda Galicia 70 charlas virtuais sobre o seu traballo e sobre o papel da muller na ciencia e na tecnoloxía.

O noso instituto participou, coa conferencia dunha antiga alumna do noso centro Dna; Francisca Rivera Fariña, Catedrática de Psicoloxía Básica e Psicoloxía Xurídica do Menor é Investigadora Principal do Grupo PS1 (Psicoloxía Xurídica) da Universidade de Vigo. 

Fixo unha introdución falando sobre a biografía de Sofía Casanova, e cómo esta viviou a separación dos seus país do mesmo xeito que moitos nenos e nenas viven na actualidade esas circunstancias. Esto serviulle para introducir o núcleo da investigación do equipo que dirixe, que se centra nas vivencias dos fillos de parellas en proceso de divorcio, como unha oportunidade de crecemento e de revertir esa realidade en fortalezas. Falou tamén da conexión da súa rama de investigación, a psicoloxía, co dereito e da valoración da psicoloxía, non como unha liña meramente humanista, senón como unha disciplina científica máis, insistindo en que a investigación científica non se esgota nas matemáticas a física ou as ciencias naturaise e a tecnoloxía. Rematou animando a todas as nenas a profundizar na súa formación como medio para encarar o seu futuro como mulleres independentes e libres.

A segunda iniciativa estivo proposta desde os departamentos de Orientación, o equipo de Dinamización e a Biblioteca. Consistiu en publicitar algúns materiais para colocar nos corredores e outros espazos do centro unha serie de posters enmarcados coas figuras de mulleres científicas senlleiras e unos calendarios coa mesma temática para colgar en cada aula con datos e información biográfica relevante sobre estas mullers que fixeron carreira  na ciencia.

Tamén se fixo unha proposta de materias para a reflexión nas titorías como a infografía que podedes ver o picar a imaxe. 

E vídeos educativos que se trataron nas titorías como este que vos deixamos de Margarita Salas.

Por otra banda, o alumado de 4º da ESO da área de L. Galega coa súa profesora Pilar Vázquez fixeron presentacións e vídeos sobre algunha desta mulleres científicas.

 

Por último, o equipo de profesores responsables no noso centro do Bacharelato STEMbach: Cristina López Suárez e Elisa Moreira García, xunto co Departamento de actividades extraescolares, propuxo facer  charlas nas aulas da ESO a cargo do alumnado de esta modalidade de bacharelato. Os rapaces e rapazas de 2º de Bach, expuxéronlles ós nenos e nenas os proxectos de investigación nos que están a traballar, facendo unhas presentacións moi dinámicas sobre o producto que desenvoveron nel e as fases de cada un, tansmitíndolles deste xeito en que consiste o modelo científico de traballo. Tamén levaban unhas batas brancas nas que portaban a imaxe de algunha científica destacada. Rematada a conferencia, procederon a facer un concurso de preguntas sobre estas mulleres científicas mediante kahoots que tiñan preparados. A gran calidade do traballo e a coidada exposición deixou ó alumando dos primeiros cursos da ESO, asombrados do capacidade de traballo do alumnado do Stembach. Esta admiración despertou a curiosidade e as ganas de facer tamén eles e elas no futuro algunha incursión no mundo da investigación científica. Foi unha xornada moi productiva e da que vos deixamos algunhas imaxes.

PANDEMIA DE AMOR

Ola compañeiros!

Este ano polo 14 de febreiro, desde os departamentos de Orientación, Dinamización lingüística e da Biblioteca, fixemos unha proposta de actividade para ler ou escribrir poemas de amor. Para o que deixamos un cartel na entrada do centro e todos o profesorado que o desexaran, coa axuda do alumnado das súas clases, poderían ler ou escribir poemas no cartel. Na mesa que está ó lado, deixamos folios con textos de moitos autores,  en varios idiomas. Alí tamén dispoñían de outros materiaias como rotuladores, ceras de cores, tesoiras, pegamento, para que todos fixesen as súas achegas e así completar o cartel da "Pandemia de amor". Existía a posibilidade de que cada un fixese os seus propios versos, ou participase reproducindo os dun autor dos que tiñan propostos. Como tamén temos moitos artístas algúns colaboraron facendo lettering, esta forma de caligrafía decorativa que está tan de moda entre o noso alumnado. Aquí deixamos alguhas fotos do proceso.

CONCURSO DE GREGUERÍAS

Ola Rapaces! Esta volta quería contarvos que na clase de Lingua Castelá e Literatura de 4º ESO C fixemos unha orixinal iniciativa: un concurso de GREGUERÍAS.

Gregue... que? Greguerías. É dicir, como dicía o seu inventor Ramón Gómez de la Serna, unha greguería responde á fórmula:

"metáfora e humorismo". 

Unha frase inxeniosa que recolla un xogo de palabras, unha imaxe orixinal e inxeniosa.

Ademais do texto, o concurso pedía facer un debuxo que recollese a esencia da greguería. Todos os rapaces participaron e algúns fixeron verdadeiras marabillas. 

A gañadora foi Paola Rivera cunha frase moi actual, nestes tempos de pandemia "Las mascarillas son nuestra segunda piel". E, sobre todo, un gran debuxo, no que demostra as súas dotes de pintora.

Pero houbo moitos outros merecedores do premio. Aquí tedes algunhas mostras.

Parabéns a todos!

DÍA DA PAZ 2021

Ola compañeiros.
A semana pasada celebramos o Día da Paz, e este curso inmersos como estamos nesta terceira onda da pandemia, afixémonos a empregar nas nosas conversas moitos conceptos relativos á saúde. Neste contexto propuxemos desde os Departamentos de Orientación, Dinamización lingüística e a Biblioteca, construír unha caixa de primeiros auxilios da Paz, en cada aula, con elementos que contribúan a facela realidade na nosa contorna.
Para o traballo nas aulas puxemos a disposición dos titores un cartafol con imaxes libres de material médico, para que o alumnado propoña en cada elemento unha posible medida ou tratamento contra a violencia, por exemplo: Pílulas de boas palabras ou eloxios aos semellantes, apósitos adhesivos para os enfados, termómetros para controlar a ira, inxeccións para aumentar o autoconcepto positivo, máscara para combater os insultos, vitaminas de comprensión, tesoiras para cortar as discusións, etc.

Para a realización da actividade co alumnado deixamos a disposición do profesorado unha serie de vídeos sobre cuestións que afectan á convivencia. 

VÍDEOS

TOLERANCIA: 

SABER VALORAR ÁS PERSOAS

RESOLUCIÓN DE CONFLITOS 

Para apoiar a reflexión nas aulas tamén deixamos unha serie de lecturas.

A CREMA INVISIBLE 

MEDICAMENTO 

PARA O MEU LORO

COMIC ACOSO ESCOLAR

Tras o visionado e o diálogo na aula, cada participante escribe nun dos debuxos un remedio contra a violencia, coas achegas de todos construímos a nosa caixa de primeiros auxilios para a PAZ, coas aportacións de todos fixemos un mural na entrada do centro.

Deixamos aquí exemplos do resultado da actividade nalgunha alula. 

Tamén podedes ver a páxina na que recollemos os traballos do alumnado, que realizaron esta actividade en formato infografía ou imaxe dixital. Pica aquí.

CELEBRANDO OS CENTENARIOS

 Ola rapaces!

A biblioteca mercou bastantes libros e cómics sobre tres autores e autoras que estiveron recentemente ou están de centenario, dous delas moi vencelladas coa nosa terra. Refírome a Benito Pérez Galdós, do que no 2020 se fixeron 100 anos do seu pasamento; Concepción Arenal, da cal o pasado ano tamén se fixeron 100 anos, pero do seu nacemento en Ferrol; e Emilia Pardo Bazán, da que este 2021 celebramos o centenario da súa morte.

Por este motivo ponemos a dispor do lector curioso obras adicadas a aviciñarnos ás súas persoas ou obras: 

• Biografías: As tres principais biografías que temos, moi actualizadas: A de Anna Caballé de Concepción Arenal, Isabel Burdiel da Pardo, e a recente de Yolanda Arencibia sobre Galdós.
• Biografía para nenos: Emilia Pardo Bazán: unha nena seducida polos libros de María Xosé Queizán.
• Cómics: Tres adicados a Galdós.
• Álbum fotográfico coma Las  mujeres que leen son peligrosas.
• Edicións das súas obras: Cuentos de amor e Memorias de un solterón da Condesa de Pardo Bazán; Marianela, Tristana, Tormento, Memorias de un desmemoriado do escritor canario.
• Estudios de súas obras: como Galdós novelista, de Leopoldo Alas, "Clarín", o outro grande novelista do Realismo.
• Unidades Didácticas: A escaleira desigual. A condesa rebelde.

Esperamos que sirvan de axuda para que vos aproximedes a estas tres grandes figuras da literatura e do feminismo. 

NOVA SESIÓN DO CLUB DE LECTURA

Ola rapaces! 

As sesións do Obradoiro de Escritura e do Club de Lectura están a ter moito éxito. Algúns profesores novos deste curso mostraron a súa curiosidade por les e nos visitaron para coñecernos de primeira man. É o caso do Adrián, profesor de Historia que nos visitou o pasado venres. 

Por outra banda, algúns dos nosos participantes xa están a dar bos frutos do seu inxenio. Gabriel, de 1º ESO, xa ten case lista o seu conto, do que esperamos poder dar mostra aiquí. 

A poesía non faltou coa lectura de algúns textos de Gloria Fuertes, a nosa poeta universal, que non soamente chegou a ser unha escritora de poemas para nenos, que tamén, coñecida pola televisión. Senón que é unha das voces máis orixinais do panorama feminino da posguerra.

BOOKLAPS EN PRIMEIRO E TERCEIRO

Ola rapaces!

Hoxe quería contarvos unha actividade moi bonita que ten que ver cos libros e que realizaron os alumnos de 1º e 3º de ESO na clase de Lingua Castelá e Literatura.

Se trataba de facer un booklap (o libro con solapas) no que se recollesen os principais aspectos dunha obra literaria: argumento, personaxes, marco espacio-temporal, opinión persoal... Pero facelo dunha maneira creativa e artística.

No caso dos rapaces de 1º, a obra era El valle de los lobos, primeira parte da saga de Laura Gallego Crónicas de la Torre.

No caso de 3º, tratábase dunha selección de romances medievais anónimos, o Romanceiro.

A idea xurdiu da profesora do Departamento de Lingua Castelá, Patricia Varela, e foi secundada por outras profesoras, Julia e Pilar, do mesmo Departamento.

E debo dicir que os traballos quedaron moi xeitosos. Sodes uns artistas. 

Velaquí unha mostra.

OS MAIORES AGRADECEN O NOSO VIDEO

Ola rapaces!

Ante todo, quero pedirvos desculpas porque esquecín felicitarvos o ano novo. Hai que ver! Que imos perdendo os modais!

Quería enlazar aquí, o noso blog, co da Residencia Domus Vi na que faciamos o voluntariado. Os maiores están moi agradecidos ao vídeo de bicos que lles mandamos para o Nadal e dannos as grazas con moito agarimo. Velaquí a súa entrada neste enlace. 

E dinnos: 

"Sus mensajes están llenos de cariño, sus palabras de ánimo y aliento, y sus besos y abrazos virtuales han logrado emocionarnos y hacer que nos sintamos acompañados y queridos en estas fechas tan entrañables y difíciles al mismo tiempo"

"Desde aquí quisiéramos darles las GRACIAS de corazón a todos/as y cada uno de los/ alumnos/as y profes que han participado en esta gran sorpresa. Gracias por acordaros de nosotros, por hacernos llegar vuestros mejores deseos y vuestro cariño. Gracias por recordarnos lo afortunados que somos por teneros a nuestro lado, y sobre todo por hacernos sentir orgullosos/as de una generación con grandes VALORES y que viene pisando fuerte".

E dicímosvos que as grazas as temos que dar a vosoutros por servirnos de exemplo e estamos desexando que poidamos voltar a facer as nosas visitas doutros anos.

BICOS DE NOVO.

BICOS E APERTAS NO NADAL

 Ola rapaces!

Como cada ano os Departamentos de Actividades Extraescolares, Dinamización Lingüística, Orientación e a Biblioteca fixemos unha proposta conxunta de actividades para decorar a nosa árbore de Nadal. Polo que como outros anos, pedimos a colaboración dos titor@s e profesor@s da ESO.  Neste tempo de pandemia que nos limita o contacto, entendemos que o agasallo que todos desexariamos recibir serían os bicos e apertas dos nosos seres queridos. Con este lema “Bicos e apertas polo Nadal” decidimos completar unhas tarxetas como as da imaxe, que puxemos a disposición dos titores; nelas podíanse engadir.

• Unha imaxe persoal na que estivesemos bicando ou abrazando a algún ser querido.

• Una fotografía dun bico icónico dalgunha película, dun cómic, libro ou dunha obra de arte.

• Un texto describindo unha escea de bicos e apertas dunha película o dunha obra literaria.

Por outra banda, o alumnado que así o quixo, fixo adornos para a árbore en forma de corazóns, estrelas e mans de cartolina vermellos e  verde. Rematados os elementos decorativos cada curso foi colgando as súas tarxetas e ornamentos acompañados polo profesor de área ou o titor.

Con todas as achegas compuxemos unha preciosa árbore na que se podían ler os desexos de voltar a dar bicos e apertas aos nosos seres queridos e puidemos ver moitas nais cos seus fillos, os amigos e amigas que queren voltar á normalidade e tamén preciosas imaxes con avós e familiares. Algúns lembraron apertas de personaxes de ficción das súas series e películas favoritas e moitas persoas escribiron os seus desexos de recuperar a posibilidade de amosar o cariño e amizade repartindo bicos e apertas.

Deixamos aquí unha presentación coas imaxes da entrada do centro onde ademais da árbore onde o alumnado deixou as súas reflexións e desexos e unha mesa con libros para ler nas vacacións de Nadal. Outros Departamentos didácticos como o de Tecnoloxía fixeron unha contribución en forma de cartelería e felicitacións de Nadal con deseños persoais, e cores e adornos moi elegantes. Desde a biblioteca puxemos, como facemos en cada efeméride, unha  mesa con libros que nos pareceron unha interesante guía de lectura  para as vacación e que publicaremos nunha  entrada  nova do blog, un destes días.

Todas estas tarefas serven para deixarvos a todos os nosos mellores desexos de que poidamos axiña  bicar e abrazar aos nosos amigos e seres queridos.

BO NADAL DO VOLUNTARIADO DA BIBLIOTECA

Ola rapaces!

Antes de despedir este ano 2020, que todos estamos desexando esquecer, queremos deixar no blog un vídeo que fixemos para felicitar o Nadal aos nosos amigos da residencia Domus Vi de Ferrol. 

Desde hai tres anos estamos a desenvolver un proxecto de voluntariado da biblioteca no que compartimos lecturas e actividades cos avós do centro. Atesouramos lembranzas marabillosas que sempre nos sacan un sorriso cando falamos co alumnado que xa marchou e que están na universidade. Todos din que levaron esta experiencia como unha das más significativas da súa aprendizaxe con nós. Seguimos a presumir co alumnado novo de esas reunións, e do equipo de persoas tan xenerosas e comprometidas que as fixo posible. Todos somos conscientes que esas horas que estivemos na compaña dos maiores compartindo con eles, lectura, charla e manualidades, supuxeron para nós grandes leccións de vida. Gardamos no corazón a súa gratitude os seus ollos que se abrían coa ilusión de recibir a visita duns amigos. Ese afecto que intercambiaban mozos e avós é unha linguaxe universal que transcende toda comunicación na que non se precisaban casi  palabras. Por ese motivo queremos darlles as grazas por ternos recibido con tanto agarimo. 

Sendo conscientes do duro que está a ser para eles este illamento por causa da pandemia, quixemos deixarlles os nosos bicos e apertas, eses que non lles podemos dar fisicamente pero que son o único agasallo que todos agardamos poder dar e recibir o antes posible.

Bo Nadal!

UN RELATO DE IAGO GRANDAL

 Ola rapaces!

Hoxe temos o pracer de darvos a coñecer un relato dun dos nosos voluntarios máis activos, membro do Obradoiro de Escritura, do que noutros anos temos publicado algunha cousiña:

El maestro y su sobrino

El maestro de trucos de naipes más famoso del mundo, emocionado por haber hallado un nuevo truco, se dispone a enseñárselo a su sobrino.

Al proceder con el truco -con maestría-, baraja las cartas, le da a elegir una, vuelve a barajar, y le enseña a su sobrino la elegida. El sobrino, alucinado, le pide que le enseñe, y su tío, el maestro, acepta.

Mientras que le explica, le va mostrando a su sobrino cada paso. Al final, le pide a su sobrino que lo haga.

El sobrino, nervioso, lo intenta hacer, y le mira dudoso.

Su tío, asombrado porque le ha salido a la primera, le pregunta:

- ¿Lo has entendido?

El sobrino le responde:

- No sé, pero este sí.

Y el sobrino enseña la cartera del mago.

SEGUNDA SESIÓN CLUB DE ESCRITURA Y POESÍA

 Ola rapaces!

O curso continúa e como cada venres no segundo recreo o pasado día 11 se xuntou o Obradoiro de Escritura e esta vez con o Club de Lectura de Poesía.

Adicamos a nosa atención a explicar que é un haiku, é dicir, isa forma poética de orixe xaponesa que consta de tres versos sin rima, de 5, 7 e 5 sílabas. Normalmente fan referencia a temas da vida cotiá o a descripcións da natureza.

Falamos de autores de haikus importantes. Como, por exemplo: Matsuo Kinsaku (1644-1694). E velaiquí un dos seus textos:

Por mi nueva planta de banano

la primera señal de una cosa que detesto

un brote de eulalia.

Tedes máis exemplos en páxinas coma esta: grandes poetas del mundo.

Tamén quedamos en intentar escribir nós un haiku seguindo as reglas do mesmo.

Esperamos con impaciencia!