Ola rapaces!
Hoxe, como todos os segundos martes de mes, tivemos xuntanza dos Clubs. O club de Manga vai xenial pero o outro... ¡mi madriña! Hoxe eramos seis máis Emilio e Pilar. Rapaces que está a suceder? Non fomos nós os pioneiros de todo?
Para a vindeira sesión faremos o regaliño do amigo invisible que ten que ser un libro que teñamos pola casa. E comprometémonos a traer, cada un, un invitado ao club. A ver se mellora a cousa...
E iso que a novela de hoxe non podía ser más apaixoante, A princesa prometida do recentemente falecido William Goldman, toda unha marabilla cun fino sentido do humor e unha divertida parodia dos contos de fadas.
E iso que, ademais, a presentación feita por Sabela Deibe, que pronto colgaremos aquí, foi moi completa e interesante. E fíxoo moi ben, con soltura e graza. Noraboa, Sabela!
E iso que os bocatas estaban ben ricos.
E iso que ata os de Manga amenizaron a velada coas súas cancións xaponesas.
E iso que nos visitou o gran Efrén.
...
Pois iso, que non nos faltedes, rapaces. Esperámosvos a todos o 12 de febreiro con todo un pedazo de clásico da novela romántica... Donas e cabaleiros, quiten o sombreiro, que chega (redobre de tambores)...
Orgullo e prexuízo de Jane Austen.
Dito queda.
Ningún comentario:
Publicar un comentario