LIBROS CONTRA O MALTRATO

Ola rapaces!

O pasado luns 25 de novembro lembramos o Día Internacional da non Violencia contra a Muller.

A biblioteca deixou na estantería exterior unha selección de libros para que todos reflexionemos sobre esta lacra de nosa época e tamén sobre o rol da muller ao longo da historia. 

Estas son algunhas propostas da biblio: 

• Quiéreme bien. Una historia do maltrato de Rosalind B. Penfold (Astiberri, 2018), novela gráfica sobre o drama íntimo que se vive en moitas familias.

• Eu son Exeria. Lectura feminista dunha viaxe no século IV de Marisa Vidal Collazo (Galaxia, 2022) novela histórica sobre unha muller de Gallaecia que viaxa a Terra Santa.

• Quen precisa unha avoa? de Andrea Barreira Freije (Xerais, 2024) sobre a conciliación familiar e as necesidades das persoas maiores.

• Las invisibles (Obra colectiva de la Red Lectura Fácil: La Mar de Fácil, 2021) presenta diversas biografías de mulleres excepcionais que destacan pola súa valentía e capacidade intelectual que merecen saír da súa invisibilidade.

• A cabeza de Medusa de Marilar Aleixandre (Xerais, 2008), novela lida o curso pasado no noso Club de Lectura que. xogando co mito clásico de Medusa, nos fala dunha violación  de dúas  mozas que para non sucumbir a vergonza e a culpa, aferránse a súa resistencia para recuperar a súa dignidade.

E temos moitas máis propostas! Entra na biblio, atoparás o que buscas!