XUNTANZA DO CLUB DE NARRATIVA XUVENIL

Ola rapazada!

Hoxe tivemos unha nova xuntanza da sección de 1º de BAC do Club de Narrativa Xuvenil. Rematamos de ler Ollos de auga do desaparecido escritor Domingo Villar, do que algún de vós xa lerades A praia dos afogados, outra novela protagonizada pola parella do inspector Caldas e o seu axudante Estévez.

Moitos de vós comentastes as vosas opinións sobre a lectura e Lucía deunos algunhas chaves para entenderlla mellor e animonounos a ler tamén a súa última novela: O último barco.   

A vindeira reunión será co libro Senlleiras de Antía Yáñez, da que xa podemos adiantar a súa visita para falarnos desta novela e dalgúnhas outras.

Vémonos!

NOVA XUNTANZA DO CLUB DE NOVELA GRÁFICA

Ola rapazada!

Onte tivemos a xuntanza da sección do club de lectura de 2º de Bac adicado a novela gráfica. Tratouse dunha sesión moi emotiva, a última logo de dous intensos cursos. 

Fixemos un percorrido polas novelas lidas en estes dous anos do Bacharelato. Grandes clásicos da banda deseñada como Maus, Persépole; adaptacións de novelas da Literatura Universal como Orgullo e prexuizo, 1984, El señor das moscas, Un saco de canicas; o da Literatura Galega como Cinza; e outras posibilidades como El juego das golondrinas, Cuando brillan las estrellas, Cuando sopla el viento... 

De cada un sacaramos conclusións para atopar unha ensinanza diferente sobre temas de actualidade: as guerras, a emigración, as enfermidades físicas e mentais... Con todas elas viaxamos por lugares e tempos diferentes: o Ferrol dos anos 50, a Francia ocupada polos alemáns, un campo de refuxiados en Kenia, o Irán na revolución iraní; a guerra fría en Gran Bretaña; a guerra de Beirut... 

Neste caso, tratouse de María y yo do historietista xa falecido Miguel Gallardo. Os rapaces e rapazas comentaron os debuxos e o transfondo deste relato autobiográfico que ensina como tratar as personas con síndrome autista.

Agradecemos aos alumnos e alumnas a súa constancia ao vir as sesións e lles desexámos moita sorte no seu futuro!

ENTREGA DE PREMIOS DO CONCURSO DE MARCAPÁXINAS POLO DÍA DE ROSALÍA

Ola rapazada!

Con motivo de celebrarmos o día de Rosalía de Castro entregáronse no noso IES os premios do concurso de marcapáxinas organizado pola Biblioteca e o Equipo de Dinamización Lingüística. 

Ao participar tantas e tantos de vós decidiuse dar tres accésits e un primeiro premio:

As premiadas con accésit foron:

• Iria Álvarez Gómez, 1ºD
• María Rivera Fernández, 4ºA
• Noa Seoane Rubiños, 2ºD

O primeiro premio foi para Antón Corral Rodríguez de 3º D.

Nos próximos días teremos na biblio as reproducións destes marcapáxinas para que poidades levar todas e todos os usuarios da biblio cos vosos préstamos.

Recibiron tamén os premiados un agasallo personalizado feito por noso compañeiro Jorge:

Grazas a todos e a todas pola vosa participación. E parabéns para os premiados!

REPRESENTACIÓN TEATRAL DE "OS VELLOS NON DEBEN DE NAMORARSE"

Ola rapaces!

O pasado venres 28 tivemos no Sofía a estrea dunha obra de teatro. As alumnas e alumnos de Literatuga Galega do Seculo XX e da Actualidade de 1º de bacharelato representaron o Lance I da obra Os vellos non deben de namorarse, no marco da conmemoración do75 aniversario da morte de Alfonso Daniel Rodríguez Castelao.

O elenco foi o seguinte:

• Antón Beade: Saturio, o boticario.
• Laura Canosa: Lela
• Thién Abeledo: a morte
• Lola Silvar: irmá do boticaorio
• Helena Merlán: irmá do boticario e muller da vila 1
• Sofía Durán: irmá do boticario e muller da vila 2
• Pablo Lamigueiro: home da vila

A obra tamén se representará para alumnado doutros centros no teatro Jofre no marco do ciclo Teatro con G.

Parabéns, rapaces e rapazas!

NOVA XUNTANZA DO CLUB DE NOVELA GRÁFICA

Ola rapazada!

Onte tivemos unha nova xuntanza coa sección de 1º de BAC do Club de Novela Gráfica. Aínda que algúns de vós faltaches por estar en medio dos exames, a nosa sesión foi moi estimulante. 

Falamos con Adrián, Eric, Lara, Pablo e Saúl e as profes Patricia, Raquel e Pilar, da novela gráfica ¿Me estás escuchando? de Tillie Walden.

Comentamos esta sorprendente historia do encontro entre dúas rapazas, Lou e Bea, onde se mesturan a realidade e a fantasía. Unha busca superar a morte da súa nai, a outra pretende fuxir do seu fogar. A pesares de que o silencio é a resposta máis sinxela, as duás rapazas rematan por sincerarse e compartir reflexións. Ata que se atopan un gato perdido, momento no que a súa road movie comezará a tornarse moi sinistra, mentres os traballadores da Oficina de Asistencia de Estradas séguenlles a pista de preto... 

Esperámosvos en vindeiras xornadas!

XUNTANZA COS RAPACES DE 3º E 4º DA ESO

Ola rapaces e rapazas:

Onte tivemos a reunión da sección de 3º e 4º da ESO do club de novela gráfica, onde demos a benvida a nova integrante do mesmo, África. Leramos a versión do clásico de William Golding O señor das moscas adaptada e ilustrada por Aimée de Jongh.

Xa comentaramos esta lectura neste blog xa que a fixemos con outros grupos. Moitos de vós falastes dos personaxes que simbolizan diferentes personalidades. Piggy representa a sensatez. Ralph defende a orde e a civilización. Roger mostra a crueldade. Simon encarna a bondade natural do ser humano. Jack desenvolve a barbarie co seu grupo de nenos cazadores.

Neste grupo encántanos escoitarvos porque sempre participades activamente e comentastes as vosas impresións sobre a lectura, que, en xeral, interesouvos moito.

Esperamos seguir gozando co resto de propostas!

XUNTANZA COS RAPACES DE 1º E 2º DA ESO

Ola rapazada!

Este mércores día 12 tivemos a xuntanza do Club de Novela Gráfica cos alumnos de 1º e 2º da ESO. Verdaderamente, agás a Irene, verdadeira fan do Manga, nos lles gustou moito aos rapaces a historia de Idol! 

Trátase dun cómic en galego sobre as aspiracións de dúas rapazas para triunfar co seu talento no mundo do espectáculo. Está escrito por dúas autoras moi novas: Alba Chan e Ene e gañou o V Premio O Garaxe Hermético de Banda Deseñada do 2023. 

Algunhas das nosas lectoras non se identificaron moito coas historias de Vega e Ambar e co seu conflicto sobre chegar a ser unhas estrelas da música pop. Esperamos que a vindeira proposta sexa máis do voso gusto!

SESIÓN COS RAPACES DE SEGUNDO DE BAC

Ola rapazada!

O mércores pasado tivemos a sesión do Club de Novela Gráfica dos alumnos de 2º de bacharelato que sacan tempo no seu apretado calendario para ler e vir ás xuntanzas.

Comentamos o libro Cuando brillan las estrellas de Victoria Jamieson e Omar Mohamed, o rapaz que conta en primeira persoa os 8 anos que estivo nun campo de refuxiados en Kenia.

Aos poucos estamos a conseguir que os alumnos se abran máis a dar a súa opinión e queremos destacar as intervencións de Noa, Paula, Xián, Carla...

Reflexionamos sobre a sorte que temos ao non ter impedimento no noso país de poder ir ao instituto sen problema, a posibilidade que temos, mozos e mozas, de elixir a nosa carreira e o noso futuro sen que ninguén nos peche esa posibilidade. E pensamos tamén como podemos achegar o noso gran de area.

XUNTANZA DO CLUB DE NOVELA GRÁFICA COS RAPACES DE 3º E 4º DA ESO

Ola rapaces e rapazas!

O pasado mércores día 29 tivemos a reunión do Club de Novela Gráfica, na sección de 3º e 4º da ESO. Leramos a novela Cuando el viento sopla de Raymond Briggs, sobre a que xa falaramos neste blog na entrada na que recollemos as reunións cos grupos de bacharelato.

Foi unha marabilla escoitarvos a todos, as vosas achegas á lectura foron moi positivas. Cada un de vós engadistes a vosa visión persoal e os profes apenas tivemos que tirarvos da lingua.

Seguide así, que estamos a aprender moito convosco. Vémonos co El señor de las moscas!

OLLOS DE AUGA DE DOMINGO VILLAR. NOVA LECTURA CO CLUB DE NARRATIVA XUVENIL

Ola rapaces!

Onte tivemos xuntanza cos rapaces de Bacharelato do Club de Narrativa Xuvenil. Comezamos coa lectura de Ollos de auga, a primeira novela da saga de Leo Caldas, o inspector de policía de Vigo que inmortalizou Domingo Villar en A praia dos afogados e O último barco.

As lectoras e lectores comentaron que lles está gustando moito a novela. Falamos da personalidade do "patrulleiro das ondas", do contraste entre o seu xeito de traballar e o do seu axudante, o aragonés Rafael Estévez. Comentamos a relación entre o personaxe a a cidade de Vigo e a súa contorna. 

O saxofonista Lois Reigosa aparece morto no seu dúplex da illa de Torregrosa cunha crueldade morbosa. A parella de policías comeza o escrutinio. Quen será o asasino? 

Enterarémonos na vindeira xuntanza no mes de marzo.

 

"EL SEÑOR DE LAS MOSCAS". UNHA NOVA XUNTANZA DO CLUB DE NOVELA GRÁFICA

 Ola rapaces! 

Hoxe tivemos unha nova xuntanza do Club de Novela Gráfica co comentario da versión gráfica do clásico do Premio Nobel William Golding El señor de las moscas. Cóntanos o acontecido a uns rapaces que logo dun accidente aéreo quedan nunha illa deserta sen a presenza de adultos. 

Os roles entre eles repártense,  para algúns resulta un xogo, para outros a aventura da súa vida. Coa axuda da caracola distribúen a quenda da palabra, e tratan de organizarse democraticamente pero pronto xorden actitudes violentas.

Os rapaces atopan unha imaxe que lles aterroriza e fantasean cun ser superior ao que chaman a Bestia e ao que culpan da súa maldade. Dani relacionou esta proxección máxica cun sentimento do ser humano de non culpabilizarse a si mesmo e que habita connosco dende o principio dos tempos. 

En xeral, os asistentes mostraron o seu gusto pola obra e a súa versión gráfica. Moitos de vós, especialmente Lara, Carlos, Saúl e Adrián contástesnos as conclusións da súa lectura.

Vémonos na seguinte sesión! 

XUNTANZA DE NARRATIVA XUVENIL SOBRE LÚA NOVA

Ola rapaces!

No Club de Narrativa Xuvenil analizamos a novela Lúa Nova de Irene Montero, a escritora ferrolán que visitounos o pasado curso.

As alumnas e alumnos de 1º, 2º e 3º comentaron que vían de maneira moi positiva como a protagonista, a pianista Lúa, desenvolvía a súa vida desde nena con autonomía e como o trato da súa familia favorecía esta independencia en lugar de marcarlle límites asociados á súa discapacidade visual.

Vémonos na vindeira sesión!

XUNTANZA DO CLUB DE NOVELA GRÁFICA

Ola rapaces! 

Comezamos o ano 2025 comentando a novela gráfica Ellas da historietista belga Kid Toussaint co grupo de pequenos de 1º e 2º da ESO. 

As dúas Saras, Carolina,  Dayana, Lucas, Gabriela e Emma falaron da estratexia de Ella para integrarse no seu novo instituto, o Mercury. Estes cambios de peiteado, a diversidade do tinte do seu cabelo expresarán as súas distintas personalidades. Reflicten as súas dúbidas, o desexo de atopar novos amigos, a inquedanza por integrarse no centro... E acabarán causándolle certos problemas.

Os profes comentamos a semellanza desta historia coas dúas películas Inside Out que reflicten como as cores simbolizan certos sentimentos. Falamos tamén de que na adolescencia a rapazada ten nun so día unha morea de cambios emocionais...

COMENTANDO PERSÉPOLIS COS RAPACES DE 2º BAC. BO NADAL!

Ola rapaces!

Xa preto das vacacións, non podemos esquecer falarvos da última reunión do noso club, aquela que xuntou a 18 de vós no anexo da biblio para comentar a novela gráfica Persépoli de Marjane Satrapi. Algún de vós queixouse do contenido político da obra e Dani explicounos que non a elexíramos para que vos gustara, senón para facervos reflexionar a dureza de certas situacións e, logo de meditalas, valorar a vosa realidade. 

María Lanza comentou aspectos técnicos e a relacionou co arte de primitivas civilizacións mesopotámicas.

Desexámosvos un bo Nadal! Esperamos que o descanso destas dúas semanas vos axude a comezar con entusiasmo o 2025.

CLUB DE NARRATIVA XUVENIL. RESISTENCIA DE ROSA ANEIROS

No Club de Narrativa Xuvenil do 16 de decembro falamos coa rapazada de 4º da ESO e 1º de bacharelato da novela Resistencia de Rosa Aneiros. 

En concreto, o alumnado reflexionou sobre como a intolerancia ás diferentes ideoloxías e formas de ver o mundo das persoas pode truncar vidas cheas de esperanza. A obra sitúase no século XX en Portugal e concluímos que é preciso coñecer a historia e practicar o diálogo para evitar caer nas inxustizas do pasado. 

A seguinte obra que imos ler é o éxito de Domingo Villar Ollos de auga. Imos así a unha novela chea de acción e suspense.