SAMAÍN 2021

 Ola compañeir@s!

Desde o equipo da biblioteca e os Departamentos de Orientación e Dinamización fixemos unha proposta de actividades, a toda a comunidade educativa, con motivo da celebración do Samaín. Nas semanas anteriores coa profesora de Ed. Plástica e Visual, María Lanza, o Equipo de Dinamización Lingüística e os Departamentos de Bioloxía e de Ed. Física, organizaron unha saída ó bosque co alumnado de 1º da ESO. Nela recolleron follas e plasmaron os seu achados nunha actividade artística á que lle sumaron, refráns, poemas e cancións do outono. Na biblioteca tamén fixeron cabazas con poemas e con todo estas producións decoraremos o interior e a entrada. 

Por outra banda temos convocados varios concursos:

 1.- Concurso de relatos de terror. 

Bases:

1-O Concurso diríxese a todas as  persoas do centro que desexen participar, cada  participante pode presentar un máximo de dúas obras.

2-Obras: O tema estará relacionado co medo.

• -As obras deberán ser orixinais e inéditas, escritos en lingua galega.

• -A extensión será como máximo de catro follas. 

• -Os relatos deberán aparecer co correspondente título e asinados.

3-As achegas pódense facer  por correo electrónico nas seguintes direcións:

casanovadinamizacion2019@gmail.com soficasanovabiblioteca@gmail.com

 En formato papel pódense facer na biblioteca do centro, durante os recreos.

2.- Dúas modalidades de concurso de vídeos terroríficos:

A)-Un concurso de vídeos en Tik-tok,facendo o reto da “zoca” e mudando a roupa por un disfraz e outro reproducindo calquer baile terrorífico coa ambientación precisa.

B)-Concurso en calquer formato de vídeo onde se poden contar contos ou recrear textos literarios de terror ou facer un booktrailer dunha obra deste xénero.

Bases:

1-O Concurso diríxese a todas as persoas do centro que desexen participar, cada participante pode presentar un máximo de dúas obras.

2-Obras: O tema estará relacionado co medo.

As obras deberán ser orixinais e inéditas en lingua galega.

A extensión dos vídeos será como máximo de dous minutos.

Os vídeos deberán aparecer co correspondente título e asinados.3-As achegas serán remitidas ás direcións:

casanovadinamizacion2019@gmail.com

soficasanovabiblioteca@gmail.com

Deixamos aquí fotos dos carteis dos concursos.

EMILIA PARDO BAZÁN, DÍPTICO E CONTOS

 Ola compañeir@s!

Estamos a comprobar que o alumnado non localizaba o díptico e a presentación con contos de Emilia Pardo Bazán que publicamos o Día das Bibliotecas, o 24 de outubro, por este motivo volvemos a poñelos.

Deixamos o díptico da xornada.

Emila Pardo Bazán de Biblioteca Sofía Casanova

       Aquí tedes tamén a presentación dos contos.

EMILIA PARDO BAZÁN, LIBROS E ABANOS

 Ola, compañeir@s !

Este ano polo Día das Bibliotecas fixemos unha exposición sobre Emilia Pardo Bazán. Puxemos na entrada do centro os libros da autora ou os que tratan dela, cunha colección de abanos, porque sabemos que eran unha das súas paixóns. Na pantalla da entrada tamén reproducimos un vídeo cunha lectura de Marilar Aleixandre sobre un artigo da autora que trataba sobre o traballo das mulleres. Pensamos que era un xeito orixinal pechar o centenario da autora facéndoo coincidir co inicio en Santiago do congreso internacional Emilia Pardo Bazán, 100 anos despois, que nestes días podedes seguir en directo en You Tube  

Deixamos aquí fotos da actividade.

LECTURAS DO ALUMANDO DO DÍA DAS ESCRITORAS

Ola compañeir@s!

Nesta ocasión queremos deixar as lecturas de algúns dos membros máis valentes do noso alumando que nos permitiron publicar as súas lecturas do Día das Escritoras.

24 DE OUTUBRO, DÍA DAS BIBLIOTECAS ESCOLARES

Ola compañeir@s!
O 24 de outubro, celébrase o Día das Bibliotecas impulsado pola Asociación de Amigos del Libro Infantil y Juvenil e o Ministerio de Cultura. O lema “Bibliotecas: ler, aprender, descubrir", quere destacar o papel das bibliotecas de diferente tipoloxía como espazos libres, diversos e abertos para o acceso á cultura e o coñecemento, a partir da lectura e do conxunto de recursos que permiten a aprendizaxe e posibilitan o descubrimento doutras ideas, outras persoas, outras culturas e outros mundos.

Desde a Consellería de Cultura, Educación e Universidade, publicouse o cartel para as bibliotecas escolares de Galicia do curso 2021/2022, que leva por título:“A BIBLIOTECA ESCOLAR TEN A PALABRA". Insistindo tamén na biblioteca como espazo diverso onde teñan cabida distintas experiencias relacionadas coa lectura, a palabra e a oralidade. Os textos escritos e as producións audiovisuais que ofrece a biblioteca en obras de ficción ou de información axudan ao alumnado a medrar sendo donos da linguaxe, a ferramenta que lles abre camiños de pensamento, imaxinación, beleza e coñecemento. Mais tamén, as bibliotecas escolares son espazos sociais de encontro que promoven e facilitan o uso da palabra a través do diálogo, a reflexión, o debate, a exposición, os recitais, a lectura en voz alta.”

REUNIÓN CONXUNTA DE TODOS OS CLUBS DA BIBLIOTECA

 Ola Compañeir@!

O martes 26 de outubro teremos  unha reunión conxunta de todos os clubs de lectura. Como sempre ás 14'10 horas, ó rematar as clases, reunímonos a comer xuntos na biblioteca e a continuación cada club xuntarase cos seus membros para realizar as súas actividades.  Finalizamos a sesión cinco minutos antes das 16'30 para o inicio das clases da tarde. Deixamos  aquí o cartel da reunión.

REUNIÓN CLUB DO SOFÍA de Biblioteca Sofía Casanova

DÍA DAS ESCRITORAS

Ola compañeir@s!

O Día das Escritoras celébrase  o luns máis cercano á festividade de Teresa de Jesús (1515-1582), o 15 de outubro. Polo tanto, para este luns 18, desde o equipo da bibioteca e os Departamentos de Dinamización e Orientación, queremos facer chegar unha proposta de lectura de textos de varias autoras en galego e en castelán. Nesta semana leranse en voz alta, nas clases de Lingua Española e Lingua Galega, textos de varias autoras que publicou a Asesoría de Bibliotecas Escolares de Galicia. Baixo o lema "Ler as idades da vida" Marifé Santiago Bolaños, que é a comisaria esta VI Edición do Día das Escritoras 2021, fixo unha escolla de textos e autoras ós que nosoutros lles puxemos imaxes para poder proxectalas nas aulas.

ESCRITORAS EN GALEGO

DÍA DAS ESCRITORAS IES SOFÍA CASANOVA de Sofía Casanova Biblioteca

ESCRITORAS  EN CASTELÁN

DÍA DAS ESCRITORAS, Cas. IES SOFÍA CASANOVA de Sofía Casanova Biblioteca

ÁNGELES ALVARIÑO, CIENTÍFICA DA NOSA CIDADE

 

Ola compañeir@s!

Queremos darvos a benvida a este novo curso e ir contando polo miúdo as actividades e propostas que estamos a preparar para as que necesitaremos a  vosa colaboración e participación como cada ano. Debullaremos estes proxectos  noutras entradas.

Hoxe 3 de outubro, queremos facer memoria do nacemento dunha científica galega do máis alto nivel, e que ademais é da nosa cidade.

Estamos a falar de María de los Ángeles Alvariño González, (3/10/1916-29/5/2005) a gran oceanógrafa que era natural de Serantes, Ferrol. Filla dun médico e dunha profesora de piano, estudou na nosa localidade e completou o bacharelato en Santiago de Compostela, trasladándose a Madrid para facer a súa carreira de Ciencias Naturais en 1934, estudos interrompidos pola Guerra Civil que remata en 1941. Doutorouse no 1951 en Psicoloxía Experimental, Química Analítica e Ecoloxía Vexetal. Neste tempo traballa como bióloga mariño-oceanógrafa no Instituto Español de Oceanografía en Vigo. En 1953 o British Council concédelle unha bolsa no Laboratorio de Plymouth para a investigación do zooplancto, entón María Ángeles, converterase na primeira muller en subir a bordo dun barco británico de investigación en calidade de científica. Desde 1956, nos Estados Unidos, realizou investigacións do zooplancto que a levan ó descubrimento de 22 novas especies, dúas das cales levan o seu nome. Conta con centos de publicacións nas máis prestixiosas revistas científicas que a consagran coma unha figura científica internacional e unha autoridade nesta materia. A súa traxectoria está chea de recoñecementos a nivel internacional. Na nosa terra, en 1993, recibiu a Medalla de Prata de Galicia e foi a figura elixida pola Real Academia Galega de Ciencias para conmemorar o día 1 de xuño, o Día da Ciencia en Galicia, do 2015. O Instituto Español de Oceanografía púxolle o seu nome ó seu buque de investigacións oceánicas, que tristemente estivo de actualidade este verán, tratando de localizar os restos de dous meniños nas costas Canarias.

Neste vídeo tedes máis datos desta gran científica de Ferrol.

JAVIER VILAS GARCÍA, PREMIO AO MÁIS LECTOR DO CURSO

Ola rapaces!

A piques de despedir o curso, aínda temos que contarvos unha noticia. Hoxe tivo lugar na biblio a entrega de premios "Ao máis lector do curso".

Non debe sorprendervos que o galardón recaera na persoa do noso voluntario Javier Vilas García. En solitario destacou como o máis lector grazas a que sacou todos os exemplares de La llave del tiempo de Ana Alonso e Javier Pelegrín.

Parabéns a Javi! Esperamos que sigas lendo logo de rematar a ESO.

NOVAS ADQUISICIÓNS: MANGAS E LIBROS DE CINE

Ola rapaces!

Xa rematando o curso, solo me queda desexarvos un bo verán, que de veras o merecedes.

Aproveitade para ler na praia, na aldea, no xardín... E para iso propoñémosvos, ademáis dos libros recomendados no noso tradicional tríptico que estades agora a recibir, algunhas das últimas adquisicións. Esta vez vai de manga e de cine. 

Tedes a vosa disposición bastantes mangas novos como 

• Horimiya.
• The Mark o Watzel.
• Death Note
• My hero academia
• Guardianes de la noche.
• El clan de los Poe.

Respecto aos libros de cine temos:

• El universo de Ernst Lubitsch.
• El universo de Alfred Hichtcock.
• El universo de Howard Hawks.
• El universo de Nicholas Ray.
• Screwball comedies.

E outros moitos de temas variados como igualdade e convivencia.

Felices vacacións!

CONCURSO DE RELATOS

Ola rapaces!

O pasado venres, por fin, tivo lugar a entrega de premios do Concurso de relatos do Día do Libro. Había emoción para desvelar os nomes dos gañadores. E creo que foi unha verdadeira festa da escritura. Ademais tivemos a estupenda alegría de atopar a Dani, que non quixo perderse esta ocasión de compartir con todos nós.

Dende aquí vai o noso agradecemento a todos os participantes. Non contabamos con tantísima participación. Nestes tempos de pandemia, consola tervos como alumnos. Sodes o noso estímulo diario para seguir inventando actividades en torno aos libros e a lectura.

Soamente puidemos dar nove premios, pero crede que o meritabades moitos máis. Aquí vai a lista de premiados, cuxos relatos trataremos de ir publicando aquí. 

1º CATEGORÍA:  1º e 2º ESO

• Primeiro premio: Saúl Fernández Varela.
• Segundo premio: Antón Beade Vilariño.
• Terceiro premio: Hugo Alonso Fernández.

2ª CATEGORÍA: 3º e 4º ESO

• Primeiro premio: Paola Rivera Fernández.
• Segundo premio: María Lejuán Terán Muiño.
• Terceiro premio: Lucas Freire Escribano.

3º CATEGORÍA: 1º e 2º BAC

• Primeiro premio: Silvia González Fernández.
• Segundo premio: Iria González Soto.
• Terceiro premio: Alejandro López Gómez.

Parabéns a todos!

Desde o Departamento de Lingua Castelá e Literatura queremos felicitarvos a todos polo voso traballo e agradecervos a vosa entrega.

Non deixedes nunca de ler, de escribir, iso faravos libres, independentes e felices.

Como dicía a nosa homenaxeada este ano: "Queda lo escrito; todo lo demás, no queda"

Emilia Pardo Bazán.

Aquí tedes o vídeo do evento.

CÓMICS SOBRE TEXTOS TEATRAIS

 Ola rapaces! 

Como ven sendo costume, vos informamos aquí das actividades realizadas sobre textos literarios en clase de Lingua durante o tercer trimestre.  

Os alumnos de 1º de ESO fixeron un cómic a partir da lectura de tres pezas teatrais contenidas na antoloxía de Edelvives titulada: Teatro breve:

• Cartas de amor a Mary de José Luis Alonso de Santos.
• La consulta de Ángel Camacho Cabrera.
• Epitafio de Jorge Díaz.

Os alumnos de 3º de ESO ilustraron una novela ejemplar de Miguel de Cervantes.

• La gitanilla.
• Rinconete y Cortadillo.

Como vedes, cada trimestre tratamos de indagar na lectura a través de traballos creativos como booklaps, fanfiction o cómics. Pensamos que a lectura ten que servir de impulso para a creatividade en diferentes linguaxes. E dende logo, algúns de vós tedes moita.

Parabéns a todos!

TRÍPTICO LECTURAS DE VERÁN 2021

 Ola compañeir@s!

Como todos os anos, temos para vosoutros un tríptico de recomendacións con lecturas para o verán. Aparecen divididas en diversos temas: recomendacións de Emilio Saldaña, Club de Adultos, Club Xuvenil, Proxecto de Igualdade e Convivencia, En Galego, Centenarios, Cómic...

Cada portada do libro vos leva a crítica do mesmo na nosa páxina de "Socas recomenda".

Esperamos que, con tanta variedade, poidades atopar o voso perfecto compañeiro para as vacacións!

Tríptico 2021

Leer más publicaciones en Calaméo

O CURSO DE ITI EN 1º ESO

Ola rapaces!

Come sempre, polo mese de maio ou xuño, estamos a facer un ripaso das actividades do curso que remata. Falamos con Verónica, a profesora de ITI (Investigación e Tratamento de Información). Esta materia optativa é un instrumento fundamental da Alfabetización Informacional (Alfin), un dos obxectivos principais de todas as bibliotecas. 

"Todas as materias viron, dalgún ou doutro xeito, mermadas as súas clases por mor da crise sanitaria que provocou a COVID-19, non obstante, algunhas como ITI resentíronse máis ca outras. Ao longo deste curso foinos moi complicado facer traballos en grupo, vivimos momentos realmente delicados onde os índices de contaxios foron demasiado altos, por iso, dende o comezo, a dinámica da clase foi investigar de xeito individual e facer despois unha posta en común dos contidos na aula. 

No primeiro trimestre investigamos sobre o Samaín e as tradicións de Nadal; no segundo sobre o Antroido no mundo, en España e en Galicia e rematamos o curso coas investigacións máis ambiciosas, as que nos supuxeron un maior esforzo, pero tamén unha maior aprendizaxe. O alumnado investigou sobre temas tan dispares como o movemento Feminista, o movemento LGBTIQ+, o megalodón, a Universidade de Harvad, mitoloxía grega, os dinosauros… Expoñer na clase temas diversos ou facelo do mesmo, pero dende diferentes puntos de vista contribuíu á mellora da dinámica de grupo e á formación do espírito crítico do noso alumnado".  

PROXECTOS SOBRE IGUALDADE E CONVIVENCIA NO CENTRO

 

Ola rapaces!

Agora que vai rematando o curso, hora é de facer un pouquiño de repaso ás actividades feitas, e ós proxectos desenvolvidos. 

A biblioteca, a través das profes do equipo de biblioteca, Vily e Eva, xunto con outros docentes do centro participou en dous proxectos ben interesantes como parte dun PFPP de Programas Contrato. Vily cóntanos: "Vimos  necesario seguir avanzando nas liñas de traballo prioritarias do centro, club de ciencia, STEMBACH, convivencia e e igualdade, así como reflexionar sobre a actualización dos espazos do centro e a formación do profesorado para afrontar os retos que impón a situación de emerxencia sanitaria e o ensino non presencial, para o que se teñen que activar novos modelos de comunicación e atención á  diversidade. Estes en esencia son os obxectivos do PFPP de Programas Contrato do centro, e dentro deste contexto formativo desenvolvéronse dúas liñas de traballo nas que colaboramos desde a biblioteca."

Estes dous proxectos levan estes nomes:

• Mellorando a igualdade no IES Sofía Casanova.

Os obxectivos eran: Sensibilizar e implicar ao alumnado en materia de igualdade de xénero e apostar pola coeducación como camiño á liberdade individual. Construír con toda a comunidade educativa un espazo coeducativo, igualitario e desde a premisa da equidade. Avanzar na educación emocional e a xestión das emocións.

Traballaron os seguintes contidos. Habilidades sociais, Diversidade cultural, sexual e de xénero. A muller na literatura, na arte, na ciencia e na cultura en xeral.

• Mellorando a convivencia no IES Sofía Casanova. 

Os obxectivos eran: Promover un axeitado clima de aula e de centro, considerando as relacións globais entre o profesorado, o alumnado e entre os dous colectivos.  Impulsar a participación colaborativa das familias e doutras institucións e entidades na mellora da convivencia escolar, sempre que sexa posible, priorizando videoconferencias no canto de actuacións presenciais de persoas alleas ao centro. Estimular as competencias emocionais no alumnado, sobre todo na situación particular correspondente a este curso.

Os contidos traballados foron: O acoso escolar. O autocoñecemento. Resolución de conflitos. Mediación escolar. 

Algunhas das actividades realizadas xa quedaron reflectidas  no noso blog como "O Obradoiro de memes contra a violencia de xénero", " O Día da Paz", "Día de Rosalía", "Mes da Nena e a Muller na Ciencia", "Día da Muller", e un largo etc, de actividades nas que colaboramos desde as perspectivas de mellora da igualdade e da convivencia. Pero houbo moitas máis como "Exposición de carteis sobre mulleres científicas", "Experimenta en feminino", "Calendarios de mulleres astrofísicas", "Concursos de fotografía Convivencia e Igualdade".

Por último, a biblioteca tamén  colabora  coa realización deste folleto de recomendacións literarias sobre Igualdade e Convivencia. Esperamos que todo isto nos faga un pouco más conscientes da súa importancia!

Convivencia Guía De Lectura

Publish at Calameo