VISITA A RESIDENCIA DE MAIORES

Onte tivemos unha preciosa experiencia visitando aos nosos maiores dentro do programa de "Bibliotecas Escolares Solidarias" no que o noso voluntariado da biblioteca participa nunha experiencia de Aprendizaxe-Servizo. Comezamos unha colaboración coa Residencia de Maiores Geriatros de Ferrol.

Estarédesvos preguntando que é isto  de Aprendizaxe-Servizo. É unha modalidade de aprendizaxe no que o alumnado identifica na súa contorna unha necesidade ou situación en cuxa mellora se compromete, desenvolvendo un proxecto solidario no que pon en xogo coñecementos, habilidades, actitudes e valores.

Un grupo de rapaces (Laura López, Sara Pena, Diego Picos, Daniela Redondo, Daniela Katrib, Carolina Gallardo, Efrén Vázquez, Javi Vilas, Sabela Deibe, Sara Ladra, Paula Martínez) adicaron o seu tempo para acompañar aos anciáns durante unha hora. Recitaron textos de poetas tan recoñecidos como Machado, Miguel Hernández, Alberti, Becquer, Benedetti, Manuel María, Espronceda...

Atopamos un público moi entusiasta e agradecido ata o punto de que planificamos novas citas con diferentes actividades para este curso. Eles queren visitarnos e vir a ver a nosa biblioteca e a nosa obra de teatro.

Esperamos ver pronto por aquí aos nosos avós.

El CHICO DE LA FLECHA

Ola de novo!

Antes de que me esqueza e que remate o día, poño aquí as fotos desta xornada tan divertida na que recordamos o mundo de Roma e o mundo castrexo. 

Lembrade que podedes ampliar información sobre estas civilizacións na cantidade de libros que sobre o tema temos na biblioteca a vosa disposición.

Grazas as aventuras de Marco e Aselo, os protagonistas de El chico de la Flecha de Espido Freire, coñecimos a cidade romana de Emérita Augusta e a maneira de vivir dos hispanos durante o século I d.C. 

Para descubrir os lugares onde transcorre a vida destas personaxes podedes consultar a seguinte presentación.

Augusta Emerita de Rosa Mariño

ACTIVIDADES DESTA SEMANA

Ola rapaces!

Xa sei que está semana estades moi cansos, desexando coller as vacacións de Nadal. Pero lembrade que aínda vos temos preparadas varias actividades para despedir o trimestre:

Hoxe temos a sesión do itinerario de novela histórica correspondente a Roma. Ilustrarase coa lectura de El chico de la flecha de Espido Freire. Decoramos a biblioteca con ambientación da época. Podedes vir disfrazados de personaxes tanto do mundo romano (lexionarios, gladiadores, senadores, damas...) como do mundo castrexo (guerreiros, damas...)

Mañá, dentro do programa de bibliotecas escolares solidarias, teremos a primeira visita a residencia de anciáns Geriatros, onde recitaremos poemas de autores da literatura castelá e galega por parte dun grupo de voluntarios que agasallan co seu tempo e co seu agarimo aos nosos maiores.

CLUB DE MICROESCRITURA

Lembrade que o Club de Microescritura estase a reunir os venres ás 12'10, no departamento de Filosofía.

VOLUNTARIADO BA BIBLIOTECA

O luns día 4 de decembro, ás 12'10 - 12'30, no segundo recreo, teremos a primeira reunión do equipo de voluntariado da biblioteca.

Nela informarémosvos sobre as formas de participación, as actividades e os proxectos que pretendemos desenvolver durante este curso.  

No Nadal todos participamos en iniciativas solidarias, dende a biblioteca do instituto queremos acompañar, a través da lectura, a distintos colectivos que poden sentirse máis sós durante estas datas.

DÍA INTERNACIONAL CONTRA A VIOLENCIA DE XÉNERO

Hoxe, 25 de novembro, Día Internacional contra a Violencia de Xénero, a biblioteca como voceira de toda a comunidade escolar do IES Sofía Casanova, quere manifestar a súa rotunda repulsa contra esta devastadora lacra do noso tempo e o seu compromiso cara a formación de futuros homes e mulleres que saiban respectar e convivir.

PRIMEIRA XUNTANZA DO CLUB DE LECTURA

O pasado martes día 14 tivo lugar a nosa primeira xuntanza do Club de Lectura deste curso, no que imos mergullarnos nun novo itinerario lector, o da novela histórica. Da man de novelas axeitadas para un público adolescente percorreremos as principais etapas históricas e profundizaremos nos seus contextos culturais, políticos, artísticos.

De momento, o noso primeiro texto foi El clan de Atapuerca. 1. La maldición del hombre jaguar de Álvaro Bermejo (Editorial Anaya). Trátase da primeira entrega dunha serie na que coñecemos a tribu dos ata, na era dos homo sapiens. Unha rapaza de misteriosos ollos azuis e unha perna enferma debe enfrentarse ao rexeitamento do mago do clan que ve nela un perigo para todos. Un talismán no corno dun mamut coa forma dun home xaguar e o ataque do temible oso cavernario nos esperan.

David Gutiérrez e Sara Ladra fixeron a presentación, malia que houbo un malentendido e pensaron que o libro que tiñan que ler era El clan del oso cavernario de Jean Marie Auel, a primeira novela da célebre saga Los hijos de la tierra, ambientada no paleolítico. A verdade que a confusión permitiunos coñecer esta interesante saga, da que Álvaro Bermejo toma a súa inspiración. Os interesados poden ver a súa estupenda presentación na plataforma de Edmodo.

Tamén aprendimos moito coas ferramentas que trouxo Eva, coas historias de Vily e as aportacións de Emilio.

Alegrounos moito ter de novo a visita do noso universitario favorito, Diego.

Agora esperamos con ledicia o noso vindeiro libro, El chico de la flecha de Espido Freire, no que viaxaremos á época romana, a Emérita Augusta.

KAZUO ISHIGURO NOBEL DE LITERATURA

Ola rapaces!

O escritor británico de orixe xaponés, Kazuo Ishiguro,  foi recentemente galardoado co Premio Nobel de Literatura. Seguramente que todos recordades a pelicula de "The remains of the day", a preciosa historia de amor entre un maiordomo e unha ama de chaves.

Para achegarvos a súa figura, podedes botarlle un ollo á información que atoparedes nesta imaxe:

COMEZA O NOSO CLUB

Ola, rapaces! 

De novo convosco logo dos meses de lecer. Invítovos a participar (especialmente aos que chegades por primeira vez) nas nosas actividades. Este ano  teremos algunhas sorpresas: 

• Club de Lectura. 
• Club de Escritura. 
• Club de Manga. 
• Voluntariado. 

Para falar dos novos plans, convócovos a unha xuntanza o vindeiro martes día 10 ás 16 horas na biblioteca.

Vémonos.

Miércoles, novela gráfica de Juan Berrio, en Babelia

Babelia, o 29 de xullo de 2017, recolle as "25 joyas del cómic español del siglo XXI". Entre estas xoias da novela gráfica figura Miércores, de Juan Berrio.

Juan Berrio e a novela gráfica Miércoles na páxina de RTVE.

Máis sobre novela gráfica en "El siglo de oro del cómic español", Babelia, 29-07-2017.

TRÍPTICO DE LECTURAS PARA O VERÁN

Ola, rapaces!
Desexamosvos dende a biblioteca un feliz verán. Aquí tedes moitas suxestións de lectura.

Tríptico verán 2017 de lorechao

As reseñas de todos os libros podédelas ler aquí.

FESTA DAS TARTAS LITERARIAS

Como cada ano, despedimos o curso na biblioteca coa nosa Festa das Tartas Literarias, que xa vai pola súa VII edición.

A novidade deste curso consistiu en que se incorporaron tamén os rapaces do voluntariado (Guillermo e Martín) e máis do Obradoiro de Escritura (Pepe). 

Previamente decoraramos a biblioteca cos carteis feitos polos alumnos de ITI sobre as efemérides do 2017.

Logo de degustar as deliciosas tartas (houbo de gatos guerreiros, Harry Potter, Rubí, Wonder, Sinsajo entre outras) fixemos unha enquisa na que valoramos a experiencia deste curso. Cada un deu a súa opinión e fixo as súas suxestións para o vindeiro ano.

De seguido, Daniela presentou varios booktrailers e contounos a súa experiencia da X Xornada de Clubs de Lectura. 

Por último, con algo de mágoa, despedimos a Diego (que nos fixo un resumo dos seus cómics favoritos) e a Pepe que van marchar do instituto. 

Penso que a idea do novo Club de Manga xestionado polos rapaces está a cobrar forma e xa temos dúas posibles coordinadoras, Sabela e Laura, entusiastas seguidoras do universo manga.

Grazas pola vosa colaboración, rapaces, e feliz verán, cheo de lecturas!

PARTICIPAMOS NA X XORNADAS DE CLUBS DE LECTURA

O pasado sábado, un grupo de 13 alumnos (Carlos, Sara, Daniela, David, Deva, Ariadna, Iago, María del Pilar, Javi, Alex, Sabela, Roberto e Ana), acompañados de Emilio e Pilar, participamos na X Xornada de Clubs de Lectura en Santiago. Esta reunión acolleu a moitos rapaces de Clubs de Lectura de toda Galicia nunha xornada chea de calor, de obradoiros e de libros, moitos libros.

Como non caberían aquí todos os relatos, eliximos unha soa voz, a de Deva, e logo engadimos algunhas opinións doutros participantes:

"O sábado acudín á miña primeira xornada de Clubs de Lectura en Santiago. Desde Ferrol fomos catro institutos: Ferrol Vello, Concepción Arenal, Catabois, e nós, Sofía Casanova. Ao chegar recibíronos cun espectáculo de acrobacias a cargo de "Pista Catro". Encantoume, pareceume moi divertido e interesante. De novo todos os institutos xuntos acudimos á "Sala Santiado" para presenciar a entrega do premio dos Clubs de Lectura 2017 a Miguelanxo Prado, e as entrevistas de Ledicia Costas e Violeta Moon. Logo de tomar un almorzo estupendo, fomos cada o noso obradoiro. Eu fun ao de Literatura transmedia e banda deseñada. Despois dunha mañá intensa, saímos fora do Palacio de Congresos a comer todos xuntos para recuperar folgos. O resto da tarde compartímola co resto de Clubs de Lectura de Galicia, escoitando a charla de César Mallorquí sobre o "Eloxio da mala literatura" e participando na festa de peche, na que o pasamos xenial. Sen dúbida, o ano que vén quero volver á seguinte xornada dos Clubs de Lectura"

Acompañamos con algunhas opinións de outros rapaces:

"O que máis me gustou do encontro foi poder estar máis tempo cos meus amigos e ter un plan para o fin de semana. Tamén aprendín moito sobre cómic no obradoiro de banda deseñada como que os cómics non poden ter portadas tétricas" (Carlos)

"A verdade é que por moita calor que fixera e por moito que nos aburríramos polos largos discursos, valeu a pena!" (Ariadna)

"O que máis me gustou foi coñecer a Cesar Mallorquí. Podería mellorarse para unha próxima xornada a festa, con cancións máis modernas." (Daniela)
"Fue una experiencia bonita y educativa que estaría dispuesta a repetir". (María del Pilar)

"Fixo moita calor, para a próxima gustaríame que houbese máis espazos de sombra e máis puntos de comida." (Sara)
"Una experiencia nueva y divertida, en la cual conocí nuevos amigos." (Alex)
"Nas reunións aprendín moito e conseguín algunhas firmas." (Iago)
"Gustoume moito a charla de "botarse a escribir" porque me animou a facelo. Pero para min sobrou a música final." (Sabela)

O certo é que a valoración foi en xeral moi positiva e todos viñemos con moitas ideas para poñer en marcha o vindeiro curso, como un posible Club de Manga. 

POEMA DE PEPE LÓPEZ CAEIRO

Aquí os dejo el poema de Pepe López Caeiro (2º BAC- C), aventajado participante del taller de escritura. ¡Enhorabuena, Pepe!


ODA

Dime, buen amigo,
dónde está la rama
de olivo.
Dime, bajo las cenizas
del viejo leño,
cuándo podrá surcar
la paloma el cielo.

Dime, paloma,
¿podrás cubrir con un velo
la tierra arrasada?
Pues hay ríos
en los que corre la sangre,
como pétalos
flotando en el agua,
que son llevados por el viento,
igual que las lágrimas de los niños.

Dímelo tú, paloma blanca
y con olivo,
si puedes emprender el vuelo,
dime, paloma amiga,
si volarás por esas nubes
que inundan el sueño.
Si no te perderás en el firmamento.

Dime que volverás,
cielo, paloma,
prométeme que hallarás,
el día, el alma,
entre el polvo y las fosas,
de aquellos que anhelan creerte 
donde por fin tendrás lugar.

II ENCONTRO DE CLUBES DE LECTURA

Ola, rapaces, mañana é o día de dar a benvida aos nosos compañeiros do Club de Lectura do IES Concepción Arenal. 

Teremos en primeiro lugar, un recitado de lecturas de Rubén Darío, Edgar Allan Poe, Carlos Casares, etc... Coido que tamén poderá haber un acompañamento musical.

Logo xantaremos todos xuntos na nosa biblioteca onde esperamos contar con algunha sorpresa gastronómica. 

Non o esquezades!

Socas

.

                    

 “LECTURAS COMPARTIDAS”                                                                    

II ENCONTRO DE CLUBES DE LECTURA

IES CONCEPCIÓN ARENAL                                                            IES SOFÍA CASANOVA

23 de maio de 2017

NOVA XUNTANZA DO NOSO CLUB

Onte tivemos unha nova xuntanza do noso club onde, por unha vez deixamos a fantasía para mergullarnos nunha historia real coma a vida mesma. A experiencia de August, un neno de dez anos cun problema grave no seu rostro o que lle fai especialmente sensible ante o bullying. R.J. Palacios en Wonder: La lección de August emocionounos nesta preciosa aventura de superación persoal.

Daniela e Ariadna fixeron a presentación e logo moitos de nós contaron a súas vivencias sobre a discriminación escolar, con historias reais, vividas en primeira persoa ou escoitadas doutros compañeiros.

Penso que todos aprendemos moito.

                   

sexta sesión do noso club de lectura

wonder de R.j.palacio

Esperámoste ás 14:15 do martes 16 de maio

na biblioteca.

Trae a comida!

Edgar Allan Poe no IES Sofía Casanova

O departamento de Lingua Castelá e Literatura, coa colaboración do departamento de Educación Plástica e Visual e mais do equipo da Biblioteca, adicou este ano o día do libro ao escritor estadounidense Edgar Allan Poe.

O venres 28 de abril, no salón de actos do centro, o alumnado da ESO presentou os traballos que elaborara na aula coa axuda das súas profesoras e profesores nas semanas anteriores e realizou unhas lecturas dramatizadas de catro relatos: 1º de ESO traballou co "Corazón delator"; 2º de ESO, co "Gato negro"; 3º de ESO, con "A verdade sobre o caso do señor Valdemar" e, 4º de ESO con "Berenice".

Nas clases de EPV os alumnos e alumnas fixeron carteis despois de ter traballado os relatos nas aulas de Lingua Castelá e Literatura.  Estes carteis os podes ver estes días nunha exposición na entrada do instituto.

OLA LECTORES!

Son Iago, o novo bloguero da biblio e vou aportar o meu gran de area aquí.

Como levamos algún tempo sen informar, olvidóusenos falaros das últimas sesións do noso Club. Recordaredes que lemos La historia interminable. Despois tocou Reckless de Cornelia Funke, cuxa presentación lles tocou a Sara e David de 1ºB. 

Con calma iremos informando das distintas presentacións. Animádevos a vir ao noso club e disfrutaredes lendo e comentando libros.