Amosando publicacións coa etiqueta 1.º ESO. Amosar todas as publicacións
Amosando publicacións coa etiqueta 1.º ESO. Amosar todas as publicacións

sábado, 19 de xuño de 2021

CÓMICS SOBRE TEXTOS TEATRAIS

 Ola rapaces! 

Como ven sendo costume, vos informamos aquí das actividades realizadas sobre textos literarios en clase de Lingua durante o tercer trimestre.  


Os alumnos de 1º de ESO fixeron un cómic a partir da lectura de tres pezas teatrais contenidas na antoloxía de Edelvives titulada: Teatro breve:

  • Cartas de amor a Mary de José Luis Alonso de Santos.
  • La consulta de Ángel Camacho Cabrera.
  • Epitafio de Jorge Díaz.

Os alumnos de 3º de ESO ilustraron una novela ejemplar de Miguel de Cervantes.

  • La gitanilla.
  • Rinconete y Cortadillo.

Como vedes, cada trimestre tratamos de indagar na lectura a través de traballos creativos como booklaps, fanfiction o cómics. Pensamos que a lectura ten que servir de impulso para a creatividade en diferentes linguaxes. E dende logo, algúns de vós tedes moita.

Parabéns a todos!

mércores, 7 de abril de 2021

TRABALLOS SOBRE AS NOTICIAS

Ola rapaces!

Agora queremos contarvos unha actividade dos rapaces de 1º da ESO na clase de Lingua Castelá coa súa profesora Patricia.

Tratouse dunha actividade colaborativa onde en grupos de dous ou tres rapaces, asimilaron de forma practica os contidos acerca da NOTICIA. 

Primeiro escribiron en Drive o guion das ideas que tiñan e as pautas que ían seguir. Repartíronse os roles de corresponsais dende os lugares máis relevantes, así como o de presentador no estudio. A continuación, grabáronse en vídeo e logo os editaron con aplicacións como Imovie ou Openshot. 

Traballaron así as competencias de Aprender a Aprender e Social e Cívica, ademáis da obvia competencia Lingüística. Foi unha experiencia marabillosa e non podemos máis que felicitarvos pola súa capacidade de traballo en equipo e a súa empatía.

Aquí vedes algúns dos seus vídeos.


domingo, 4 de abril de 2021

"FANFICTION": TRABALLOS CREATIVOS SOBRE POE E O LAZARILLO

Ola rapaces!

Rematada xa a segunda avaliación, queriamos contarvos algo acerca dos traballos creativos que fixeron os alumnos de 1º e de 3º da ESO na materia de Lingua Castelá e Literatura o pasado trimestre.

Os rapaces de 1º tiveron que ler catro relatos de Edgar Allan Poe ("O gato negro", "O corazón delator", "Manuscrito nunha botella", "A mascara da morte vermella") e logo escribir un final persoal e distinto. Tamén tiñan que facer unha presentación orixinal.


O mesmo tiveron que facer os alumnos de 3º da ESO pero aplicado á lectura dun clásico: "O Lazarillo". Parabéns a todos.

martes, 19 de xaneiro de 2021

BOOKLAPS EN PRIMEIRO E TERCEIRO

Ola rapaces!

Hoxe quería contarvos unha actividade moi bonita que ten que ver cos libros e que realizaron os alumnos de 1º e 3º de ESO na clase de Lingua Castelá e Literatura.

Se trataba de facer un booklap (o libro con solapas) no que se recollesen os principais aspectos dunha obra literaria: argumento, personaxes, marco espacio-temporal, opinión persoal... Pero facelo dunha maneira creativa e artística.



No caso dos rapaces de 1º, a obra era El valle de los lobos, primeira parte da saga de Laura Gallego Crónicas de la Torre.



No caso de 3º, tratábase dunha selección de romances medievais anónimos, o Romanceiro.

A idea xurdiu da profesora do Departamento de Lingua Castelá, Patricia Varela, e foi secundada por outras profesoras, Julia e Pilar, do mesmo Departamento.



E debo dicir que os traballos quedaron moi xeitosos. Sodes uns artistas. 

Velaquí unha mostra.



venres, 15 de febreiro de 2019

VISITA DOS MAIORES AO NOSO CENTRO

Ola rapaces!
Onte viñeron elas a vernos. Quero dicir, tocou que esta vez nos visitaran un grupiño de señoras do veciño xeriátrico Domus Vi.
Así, xunto coas animadoras Marta e Lucía, viñeron: Carmen, Obdulia, Puri, Azucena, María, Mela e Julia, as sete magníficas. Aguerridas loitadoras cun pasado abraiante e unha suma de idade que se aproxima ao número 700. 
Todas elas foron avoas por un día da clase de 1º A de ESO, cada unha adoptou a tres rapaces do seguinte xeito:
  • Azucena con Irene, Mario e Nacho.
  • Carmen con Iago, Hugo e Gonzalo.
  • Obdulia con Toni, Ainhoa e Amine.
  • Puri con Yan, Ibra e Carla.
  • Mela con Jeray, Lucas e Esmeralda.
  • María con Paula, Junier e Álex.
  • Julia con Brais, Laura e Alejandra.

E formados os grupos, comezou o obradoiro no que se trataba de indagar sobre os mitos do amor romántico, tema, por certo, que ademáis de vir a conto polo San Valentín, está tamén tratado nun interesante artigo "Eles gobernan, elas aman" da revista Sermos que temos aquí na biblioteca e que vos recomendamos.
Cadaquén contou a súa experiencia e a delas, as avoas, abofé que dá para moito. Pero os rapaces non quedaron atrás, moitos falaron das súas cousas, son pequenos pero teñen boa vista.
Así que non soamente viaxamos polo tempo, da man das avoas que narraron historias incribles, como a de Julia que casou por poderes para poder viaxar soa a atopar ao seu mozo en Montevideo, o a de Puri que casou con 19 anos porque na casa do seu noivo eran cinco varóns e precisaban unha muller para facer os labores da casa... Senón que tamén viaxamos no espazo porque quedou claro que temos moita diversidade no Sofía: alumnos que veñen de Marrocos, Santo Domingo, rapazas de etnia xitana, onde os roles masculino e femenino están moi diferenciados...
Fixemos un mural coas nosas aportacións que quedará na biblioteca como lembranza dunha clase inesquecible onde as xeracións se uniron reclamando respecto, igualdade e responsabilidade.
Grazas a todos!


sábado, 25 de maio de 2013

EN SOBRADO E SANTIAGO

Esta semana estivo ben chea de acontecementos. Xa vos contei que o mércores tocoume función teatral. Agora cómpre que vos poña ao día do acontecido nos dous días seguintes. O xoves, ben agochadiño no peto dun de vós, saín de excursión. Acompañei a corenta e tres entusiastas rapaces -algúns de 1º de ESO, moi afeitos ao universo das biblioteca grazas ao seu Proxecto Interdisciplinar; outros de 1º de BAC dispostos a atopar as pegadas rosalianas en Compostela. 

 

Pero, antes, a nosa parada inicial foi no mosteiro cisterciense de Sobrado dos Monxes. Alí, o noso Manolo tiña un compañeiro de estudos ao que non vía dende hai trinta anos. Puidemos gozar da sabedoría milenaria desas húmidas pedras e percorrer o claustro dos Peregrinos e o dos Medallóns, a cociña, a sala capitular, a igrexa, ... Que doado imaxinar como era a vida no medievo!
Pero non soamente Manolo ten bos contactos. Resulta que o meu curmán Soqueiras habita no arquivo da catedral compostelana. Si, é o clásico trasno erudito que gosta de acariñar códices medievais. Conseguiume unha visita guiada na que un experto arquiveiro nos fixo un percorrido dende os códices, coa contemplación dun facsímil do Calixtino agora escrupulosamente custodiado, pasando por tumbos reais co seu carimbo de chumbo, os libros de coro tan fermosamente miniados, ata os incunables,... En fin, un verdadeiro privilexio para un simple trasno de secundaria coma min, por moito que me guste presumir da miña benquerida biblioteca.

 

Logo dunha soleada e animada comida nas escalinatas de Praterías, aínda tivemos -algúns- a sorte de acceder a San Martiño Pinario, onde vimos unha antiga imprenta.
Retornei satisfeito para miña casa. Sempre medramos coas experiencias. Saír na procura doutros camiños. Tornar máis sabios. Saber dos demáis para coñecermos mellor nosoutros. 


Cando partimos de novo?   



xoves, 20 de xaneiro de 2011

Percy Jackson y los dioses del Olimpo

Percy Jackson y los dioses del Olimpo es una serie de cinco libros escrita por Rick Riordan. Podríamos encuadrarla dentro del la literatura fantástica y nos pondrá en contacto con la mitología griega.
El protagonista es Percy Jackson, un joven que descubre que él es el hijo de Poseidón, dios del mar y los terremotos. Se entera de que los seres legendarios de la mitología griega todavía existen, como Monstruos, Cíclopes, Empusa, Titanes, y también los dioses olímpicos sí que moran en el Olimpo, ahora situado en el piso de la 600a del Empire State Building. Los monstruos le atacan con frecuencia porque es un hijo de uno de los «Tres Grandes» (Zeus, Poseidón y Hades).
En 1.º de ESO estamos leyendo la primera entrega: "El ladrón del rayo".