O ALUMNADO DE 2º ESO CONVERSA CON ANTÍA YÁÑEZ SOBRE "O MISTERIO DE PORTOMARÍN"

 O día 18 de xuño, o alumnado de 2º ESO tivo a oportunidade de participar nunha charla coa escritora Antía Yáñez sobre a súa novela O misterio de Portomarín.

Durante a conversa, a autora compartiu a súa experiencia e explicou o labor de documentación realizado para ambientar a historia en Portomarín. Tamén destacou a importancia da lectura e da escritura como ferramentas para desenvolver a imaxinación e a creatividade.

A continuación, o alumnado participou activamente formulando preguntas sobre a novela, os seus personaxes e o traballo dunha escritora. As respostas da autora permitiron descubrir curiosidades sobre a obra e comprender mellor os desafíos e satisfaccións que supón a creación literaria.

XUNTANZA DO CLUB DE NARRATIVA XUVENIL

Boas, rapazada!

Esperamos que esteades a pasar un Nadal estupendo e comezásedes con ilusión o novo ano. Desexámosvos o mellor para 2026.

Desculpade polo atraso, pero publicamos agora a recensión dos últimos encontros antes das vacacións. O luns, 15 de decembro tivemos a segunda sesión do club de narrativa xuvenil. Para esta, o alumnado de primeiro e segundo curso da ESO leu O misterio de Portomarín, primeira novela de Antía Yáñez e publicada en 2016. 

Nesta obra, a autora achega a historia de catro irmáns que pensan que o verán vai ser igual de monótono e gris que todos os anos. Secasí, por unha serie de casualidades, convértense no equipo idóneo par investigar un misterio que a xente coidaba esquecido, a saber: os segredos que, durante séculos, gardou a vila que descansa debaixo das augas do encoro e que agora saen á luz. 

O estudantado compartiu opinións moi positivas a respecto do libro, destacando a súa simpatía pola figura do cadelo, os xiros dramáticos do relato, os cales lle causaron unha fonda sorpresa, e os misterios que agocha o noso país, terra marcada polo sobrenatural, polo lendario e pola maxia.

Sen dúbida, unha lectura máis que recomendable se es unha persoa afeccionada á intriga, á aventura ao más puro estilo de Los Cinco de Enyd Blyton e, ao pasado das nosas vilas. 

ENCONTRO LITERARIO CON ANTÍA YÁÑEZ

Ola rapazada!

O pasado venres día 25 por fin tivemos o adiado encontro literario coa escritora Antía Yáñez. Asistiron os membros do Club de Narrativa Xuvenil de 3º ESO (Sofía, Pablo, Marcos, Brais, Esther e Antón), que leron dous libros da autora: O misterio de Portomarín e O misterio do torque de Burela; os rapaces do Club de Narrativa Xuvenil de 1º BAC (Hugo, Laura Galfout, Clara, Laura Pernas e Erika) así como os alumnos de Literatura Galega do Século XX (Thién, Antón, Pablo, Laura Canosa, Helena, Sofía, Carlos e Lola), que leron todos Senlleiras. Acompañaron aos rapaces as profes Lucía, Raquel e Montse que tamén leran textos un pouco máis adultos como Non penses nun elefante rosa.

Foi un estímulo máis para celebrar o Día do Libro. O tempo quedou un pouco cortiño para a conversa coa autora que contestou as preguntas dos rapaces entre elas, contounos que as novelas están ambientadas en Burela por ser a súa terra, e Portomarín, porque é a dos seus avós.

Tamén nos escribiu varias dedicatorias dos seus libros para a nosa biblioteca.

Estade atentos porque de aquí ao final do curso esperamos máis encontros literarios no noso instituto!

NOVA XUNTANZA DO CLUB DE NARRATIVA XUVENIL

Ola rapaces e rapazas!

O pasado venres tivemos a sesión aprazada do Club de Narrativa Xuvenil. Leramos O misterio de Portomarín cos rapaces de 1º a 3º da ESO. 

Estamos a preparar a visita da autora, a escritora Antía Yáñez que esperamos en breve. Ao finalizar esta novela comezamos a lectura da súa continuación O misterio do torque de Burela.

Da gusto oirvos falar de libros e de misterio!