MIGUEL DELIBES: ADQUISICIÓNS E FONDOS DA BIBLIOTECA

Ola rapaces! 

No primeiro trimestre fixemos unha entrada sobre o centenario do escritor Miguel Delibes (1920-2020).

Agora queremos recordavos que no andel de novidades tedes á vosa disposición unha selección dos libros que temos na biblioteca deste autor.

Algúns son os que chamamos "de fondo de armario", como por exemplo:

• El camino.
• Cinco horas con Mario.
• Las ratas.
• El príncipe destronado.
• La hoja roja.
• Aún es de día.
• Los santos inocentes.
• El hereje.

Outros refírense áos libros que mercamos recentemente e que inclúen novidades editoriais propias da celebración do centenario, como por exempro:

• Miguel Delibes de cerca. Biografía de Ramón García Domínguez.
• La narrativa de Miguel Delibes. Estudio do profesor da USC, Alfonso Rey.
• Los niños. (Antoloxía de textos do autor sobre un dos seus temas predilectos, a infancia).
• Miguel Delibes: inventando personajes.

Ademais, dúas profesoras do Departamento fixeron un curso do CAFI sobre este autor, no que aprenderon moito, para traballar os seus valores humanos e literarios na práctica docente. E tiveron a sorte de escoitar a testemuña de Elisa Delibes, profesora e filla do escritor.

CENTENARIO DO NACEMENTO DE MIGUEL DELIBES

No medio de tantas e tan dolorosas noticias, unha lembranza pon un fío de esperanza. A da chegada ao mundo dun dos grandes, do escritor don Miguel Delibes Setién. 

A súas novelas dende La sombra del ciprés es alargada ata El hereje acompañáronnos tanto tempo e quedarán connosco para sempre. Personaxes inesquecibles como Daniel El Mochuelo, Germán el Tiñoso e Roque el Moñigo; Quico; El Nini; Don Eloy e Desi; Mario e Menchu; Paco el Bajo; Cipriano Salcedo...  E tantos outros.

A súa mensaxe en prol da conservación da terra, dos usos e costumes ancestrais, a favor dos pequenos e desfavorecidos... é hoxe máis necesaria que nunca.

E o mellor xeito de non esquecela e seguir lendo as súas páxinas. Atoparedes moitas delas aquí, na vosa biblioteca. Están esperándovos.