mércores, 13 de xullo de 2016

ATA SEMPRE, AGUSTÍN. VÉMONOS...

PORQUE VIVES NOS TEUS LIBROS.

https://gl.wikipedia.org/wiki/Agust%C3%ADn_Fern%C3%A1ndez_Paz
Ilustración de David Pintor 

Palabras de Agustín Fernández Paz con motivo da 


Escribe César Casal en Agustín, «arte-san», La Voz de Galicia (12-7-2016):
Aínda estabamos co «subidón» do agasallo do Día das Letras para Carlos Casares, cando nos chegou a labazada do adeus a Agustín Fernández Paz. Sonou coma un estoupido, coma o derrumbar dun cume de libros. Agustín tiña o mellor que pode ter un escritor: lectores. A moreas. E o que máis desexa unha boa persona: amigos fondos, a centos. Agustín, o único que queda non é o amor. Queda o amor, pero quedan todos os teus soños de tinta. Esa fervenza de palabras. Agustín segue, co seu aceno de tenrura. Unha enchenta de dozura. Segue a dicir cousas cheas de sentido común: «A illa do tesouro é a novela con maiúsculas». Coñecía ben que escribir non era atrancar palabras. Era deixar que o río correse e atopase o mar do sentimiento. Que tipo. Un educador de verdade. Con todo o que supón. Galicia é máis orfa sen este Agustín que non era artista. Era artesán. «Arte-san» dos que curan cos seus libros. Dos que pagan a pena. Coa única vaidade de tentar o meridiano cero da felicidade.
A negriña é nosa.

martes, 21 de xuño de 2016

FIESTA DE TARTAS

Hola a todos:

Socas se despide este curso del Club de Lectura con el buen sabor de boca de las tartas que hemos compartido hoy. ¡Disfrutad de un buen verano y no olvidéis llevaros un buen libro a la playa o a la montaña!


También Socas está muy satisfecho de los trabajos que los alumnos de 3º de ESO han ido entregando esta semana para ilustrar aspectos de la asignatura de lengua y literatura castellana, como el corral de comedias construido por Fiana, los mapas de la historia de las lenguas diseñados por Carmen o Samuel, las tarjetas de Alba, o los cuadros de autores de Aida, por citar solamente unos ejemplos.





mércores, 15 de xuño de 2016

PARA OS ALUMNOS: ITINERARIOS LECTORES DOS DEPARTAMENTOS

Que son os itinerarios lectores?

Son os libros que non queremos que se perdan os nosos alumnos.

Entrade en https://sites.google.com/site/sofiaitinerarios/. Encontraredes unha selección de lecturas -tamén hai películas- pensada polos distintos departamentos para vós, os alumnos.


https://sites.google.com/site/sofiaitinerarios/
 

sábado, 4 de xuño de 2016

LITERATURA FANTÁSTICA DA MAN DE URCO EDITORA


Dentro das actividades do "Mes das letras no Sofía", tivemos un encontro cos editores de Urco, que explicaron aos alumnos de 4º ESO os segredos do mundo editorial. Ademais, deixáronnos os paneis sobre literatura fantástica que podedes ver actualmente na Biblioteca. 

Se cadra, despois dun ano inmersos na literatura de misterio, procede que o ano que vén nos mergullemos na literatura fantástica. Se así se fai, Urco é todo un referente, como podedes comprobar se buscades na Biblioteca os libros desta editorial que foron adquiridos o ano pasado (mirade no menú do blog "Últimas adquisicións"), ao que engadimos este ano O retrato de Dorian Gray de Oscar Wilde. Si, xa o sabemos, hai que actualizar "Últimas adquisicións" cos títulos que se foron adquirindo nestes últimos meses...

Quen é Urco editora? Unha empresa editorial nacida en 2007 que se adica á publicación sistemática e especializada de literatura de fantasía, ciencia ficción e terror. Teñen varias coleccións que, de seguro, vos interesan: Urco Gótica (xénero gótico e terror, con autores como Edgar Allan Poe, H.P. Lovecraft, William Hope Hodgson, Sheridan Le Fanu ou Bram Stoker), Urco Fantasía (“Biblioteca Conan” de Robert E. Howard ou as obras de fantasía épica de William Morris), Urco Ciencia Ficción (Orson Scott Card, Jack London, Jules Verne...), Alcaián (dentro da colección cabe destacar a serie de novelas “O mundo secreto de Basilius Hoffman“), Biblioteca Niké, Urco Xuvenil (nacida en 2014 ante a demanda de literatura fantástica por parte de xeracións  de lectores das distintas etapas do ensino secundario) e Urco Infantil (xa para máis pequenos).

http://urcoeditora.com/titulos/


Buscade na Biblioteca: encontraredes bastantes libros desta editorial. 
Graciñas aos editores de Urco por estaren connosco e ao departamento de Lingua Galega e Literatura por organizar a actividade. 

Por certo, sabedes quen é Urco? 

http://es.mitologiaiberica.wikia.com/wiki/Urco

AS VIAXES DE 1º BACHARELATO

Os alumnos de 1º bacharelato visitaron este ano Santiago e Ourense.

Foron a Santiago en novembro, para traballar no proxecto "De Lago a Santiago. Itinerario da lírica medieval". Chegaron o xoves 26 pola tarde e quedaron a durmir en San Martiño Pinario. Ao día seguinte visitaron a Catedral, as cubertas e o arquivo da Catedral. Os resultados desta "investigación" serán dados a coñecer no ano 2016-17. Como adianto, un vídeo dos alumnos:

https://padlet.com/wall/wpdx2d71le0z

E o de Ourense... Xa volo contaremos.

venres, 13 de maio de 2016

MARTES, 10 DE MAIO: CLUB DE LECTURA, O MISTERIO VELÁZQUEZ

Elaboraron a presentación e introduciron a sesión.
https://padlet.com/anasecorosa/ip5fa6ejhygj/wish/110113116
 
Pulsa sobre a imaxe para ver a presentación de El misterio Velázquez (Eliacer Cansino), unha obra pola que transitan personaxes de "As Meninas" arredor dun misterio relacionado coa Cruz de Santiago. A lectura desta obra deu pé a recordar o proxecto "As Meninas no Sofía: ReciclArte e LiteraturizArte" (a obra está na guía de lectura, na sección "Xuvenil").


Na próxima sesión, 14 de xuño, banda deseñada: Adèle Blanc-Sec (nº 1) e "tartas literarias". Recordas as tartas do ano pasado? Entra por aquí.


domingo, 8 de maio de 2016

MÉRCORES, 11 DE MAIO: PEPE CARREIRO NO SOFÍA

Pepe Carreiro con Lucía e Xoel, introdutores da sesión.
Pepe Carreiro estivo connosco, dentro do conxunto de actividades do "Mes das Letras no Sofía" (18 abril-18 maio). Contoulles aos alumnos de 1º ESO como e por que comezou a debuxar, como preparaba as historias, como se trataban as proporcións, as liñas cinéticas, os globos, como era o proceso de creación dos Bolechas... Mentres  nos explicaba todo isto, íadebuxando. Temos todo gravado e, en canto poidamos, colgaremos o vídeo para que poidades asistir en primeira persoa á súa exposición.


Pulsade nas imaxes para amplialas.
 





Pepe Carreiro con Hugo

Agradecemos a Pepe a súa presenza no Sofía. Non é fácil que un autor/ilustrador coa súa traxectoria profesional se ofreza a dar un taller a alumnos de 1º ESO. Agradecemos a súa xenerosidade e, sobre todo, a súa paciencia: Os que estabamos alí sabemos por que o dicimos.

Graciñas, Pepe.


Lembremos algúns personaxes e obras de Pepe Carreiro.

Recordades a Carlos, Loli, Pili, Braulio, Sonia, Tatá e Chispa? Seguro que si, medrastes con  eles: Naceron no ano 2000, teñen 16 anos (aínda que non se lles nota)...


E os Barbanzóns? Esa familia celta do castro de Baroña composta por Tara (a nai), Con, Bre e Lerankos (fillos de Tara), Guiness (a nora irlandesa), Bar (o xenro), Son, Baal e Minu (os tres netos de Tara) e o oso Banza. Xa lestes as súas aventuras? Tédelas na biblioteca.


E que hai dos pequenos Barbanzóns? Coñecédes as súas "fazañas"?



E aínda máis, a historia de Galicia contada en clave de humor:


A retirada de Sir John Moore.  Época da invasión napoleónica. Feitos históricos -en clave de humor- que desembocaron na batalla de Elviña. Xerais, 2002. 

Compostela, a historia dunha lenda. Historia de Santiago de Compoetela, desde a suposta descoberta do sepulcro do Apóstolo Santiago até o alzamento militar de 1936. Toxosoutos, 2003.

O amor l'amour (serie Algo así debeu pasar).  Época da invasión napoleónica. Maximina, unha moza aldeá estrambótica para o seu tempo, quere pór en práctica cos seus veciños as refinadas maneiras do galanteo que aprendeu nas novelas libertinas francesas. Moito Conto, 2016.


E agora, con Abraham Carreiro, un xornal  ilustrado que podedes ler en formato dixital: O Papagaio.


Podedes visualizalo na seguinte ligazón: 

Máis sobre a traxectoria profesional.
Pepe Carreiro, ilustrador e guionista de banda deseñada, comezou en 1977 coa banda "O fillo de Breogán" no voceiro A Voz do Pobo. Foi un dos fundadores de Can sen Dono, revista que chegou a dirixir. Colaborou con publicacións como Teima, El Pueblo Gallego, Hoja del Lunes de Vigo, Faro de Vigo, A Peneira, La Voz de Galicia, A Nosa Terra e La Codorniz. Por toda a súa traxectoria recibiu en 2003 o Premio Ourense de Banda Deseñada. No 2013 recibiu o premio Bo e Xeneroso da AELG.





O NOSO AGRADECEMENTO A MIGUEL ÁNGEL AGUILAR

Miguel Ángel Aguilar con Roberto e Fernando, alumnos de 4º ESO

O martes día 3 estivo connosco Miguel Ángel Aguilar. Desde as 17.00 ás 18.10 contestou a todas aquelas preguntas que lle fixeron os alumnos de 4º ESO. 

Foi un día completo, moi completo: 
  • Mañá: Recepción institucional no Concello de Ferrol.
  • 13.00 horas: ofrenda floral no Cantón.
  • 17.00-18.10: IES Sofía Casanova de Ferrol.
  • 20:00 horas: entrega do premio no Jofre.
  • 20.30: Concerto da Liberdade, Nani García Trío. Fonte: Galicia Ártabra.

Podiamos ler en La Voz de Galicia un día despois:
El periodista Miguel Ángel Aguilar, ganador de la XII edición del Premio José Couso de Libertad de Prensa, pasó la jornada en la ciudad para asistir a una recepción en el Ayuntamiento por la mañana, una ofrenda floral en memoria del cámara que da nombre al premio y un acto en el Jofre por la tarde. Aguilar recordó que la libertad de prensa «es un termómetro de las otras libertades».
Si. No Concello, na ofrenda floral, no Jofre... 

E no Sofía.

Porque tivo a tremenda xenerosidade de vir a un centro de secundaria, ao noso centro, para, dalgún xeito, ser "entrevistado" por alumnos de 4º ESO. Sen guión previo. Cantos periodistas do seu nivel farían algo así? Cantos virían ás aulas? 

Moitas grazas, Miguel Ángel. Moitísimas grazas.


Miguel Ángel Aguilar con Teresa Sebio, directora do IES Sofía Casanova





sábado, 30 de abril de 2016

3-5-2016: O XORNALISTA MIGUEL ÁNGEL AGUILAR NO SOFÍA



Miguel Ángel Aguilar recibirá o Premio José Couso de Liberdade de Prensa en Ferrol o día 3 de maio (Día Mundial da Liberdade de Prensa). Ese mesmo día estará no Sofía e conversará cos alumnos sobre a súa experiencia como comunicador.

Esta actividade está organizada polo Colexio Profesional de Xornalistas de Galicia (http://www.xornalistas.gal/) e inscríbese dentro do proxecto ‘Xornalismo na Escola’, consistente en impartir talleres en centros de secundaria para alumnado de 3º ou 4º da ESO. Nestes talleres faise unha primeira aproximación ao que é o xornalismo, o papel do xornalista, os dereitos fundamentais de informar e ser informado e outras cuestións relacionadas coa comunicación. 

Os alumnos de 4º ESO que, coordinados por Juana Brañas, están a preparar un TELEANUARIO, de seguro tomarán boa nota desta experiencia e do encontro con Miguel Ángel Aguilar.

Miguel Ángel Aguilar (Madrid, 1943).
Prensa escrita.
Radio e Televisión.




mércores, 20 de abril de 2016

18 ABRIL A 18 DE MAIO: MES DAS LETRAS NO SOFÍA

23 de abril
DÍA DO LIBRO

17 de maio
DÍA LETRAS GALEGAS
DÍA DA SOCIEDADE DA INFORMACIÓN E DAS TELECOMUNICACIÓNS

Ilustración: Fernando Vicente

É imposible que non o virades: está por todas partes, nas paredes, no espírito, no ambiente, mañá e pasado no salón de actos... Referímonos ao excelente traballo realizado polos alumnos do Sofía e coordinado polo departamento de lingua castelá e literatura para conmemorar os 400 anos do pasamento de Cervantes e Shakespeare. 

Ilustración: Fernando Vicente


Si, tamén é casualidade: os dous grandes xenios da literatura universal morreron -iso din- o mesmo día do mesmo ano, un 23 de abril de 2016. Tiñan ben merecido facer xuntos esa última viaxe, coincidir dalgún xeito para, se cadra, falar das súas cousas (literarias, entendemos). E, de seguro, coincidiron. O feito de non facelo sería unha "inxustiza cósmica" (cito as palabras dun compañeiro). Así os ve o ilustrador Fernando Vicente, man a man para a posteridade:



Con esta intensa semana arranca o mes das letras no Sofía. Haberá máis Cervantes, Shakespeare, outras efemérides (os nosos cumpren anos: vid. pestana do menú), algo de misterio, o concurso de marcapáxinas, as letras galegas con Manuel María... E así ata o día 18, centenario das Irmandades da Fala.

Teredes as imaxes, pero hai tanto material que aínda hai que seleccionar. Por iso recorremos a estas ilustracións de Fernando Vicente para esta entrada. De momento.

martes, 12 de abril de 2016

12 DE ABRIL: CLUB DE LECTURA. OS CRIMES DA RÚA MORGUE.

Animado, moi animado, (excesivamente animado?) o club de lectura de hoxe. Estaremos posuídos polo espírito de Edgar Allan Poe?

Deixámosvos a presentación que introduciu a sesión.


Presentación de Ana Ortega e Diego Pereda 


Como sabedes, estamos a preparar -desde o club de lectura do Sofía- un itinerario de misterio que daremos a coñecer en breve. Xa vos iremos contando.

A OPTATIVA ITI-SOFÍA, NOS ENCONTROS PLAMBE 2015-2016

A materia optativa "Investigación e tratamento da información", impartida en 1º ESO B, C e D, estivo presente nunha mesa redonda dos Encontros PLAMBE 2015-2016:



Esta foi a contribución da Biblioteca IES Sofía Casanova: itisofia8416.


E estes son os nosos alumnos da 1ª promoción de ITI, 2015-2016:
Fotografía de outubro 2015





mércores, 6 de abril de 2016

KALI FERRÁNDEZ GAÑA O PREMIO GLORIA FUERTES DE POESÍA



Kali Ferrández, gañadora do XVII Premio Gloria Fuertes (Imaxe La Voz de Galicia)


O xurado -formado por Ana Rossetti, Javier Lostalé e Marta Porpetta- acordou por unanimidade premiar a súa obra Godot nunca lo dijo. 

Di Kali na entrevista publicada hoxe en La Voz de Galicia:
-En mi casa aprendí a amar la cultura. Y también aprendí la cultura del amor. Cosas que en el mundo no puede quitarte nadie...
-Una manera de existir...
-Sí. Un modo de vivir muy vinculado a todo lo poético y a lo espiritual. Eso lo adquirí de mi padre, y también de mi madre.
Si, efectivamente: Kali Ferrández é filla de Guillermo Ferrández, profesor de LLC no IES Sofía Casanova. Parabéns a Kali, a Guillermo e ao resto da familia, non só polo premio, senón tamén polo que se intúe ao ler as palabras de Kali. 

Non deixedes de ler a entrevista citada: