Ay que se me acumula o traballo! Onte Marcos, hoxe Antía. Dúas excelentes conferencias tan seguidiñas que deixáronme abraiado. Vou pouco a pouco.
![](https://blogger.googleusercontent.com/img/b/R29vZ2xl/AVvXsEjaHM6qeJhtu4C8NtzWq29xsSJnWl2grmEoP7mAI1-WneLbyEjpq_Wn3y0rwmxXKI3cr0W9ndmxRDqCJP4eVXK8EGGcYmXpFaix103YD_WxWuYp-7VjpyrvM-zIDIQ2ctrrt97SzmZInrkS/s1600/DSC_1080%5B1%5D.jpg) |
Lucía recibindo o seu premio |
Onte Marcos. Foi moi intenso e moi interesante o seu obradoiro de escrita que leva por título o mesmo dunha das súas novelas: Rinocerontes e Quimeras. Fíxonos traballar arreo primeiro debuxando unha quimera e poñéndolle nome, logo inventando palabras e a súa orixinal definición dun novo diccionario, despois comenzando un relato, rematándoo, facendo un microrelato, e, por último, creando un nome e un eslogan publicitario para un produto. O que máis me gustou foi que soubo transmitir a idea de que as palabras e a forma de contar as historias non son só cousa dos escritores ou dos profes de lingua. Todos temos a obriga e a necesidade de saber empregar ben as verbas.
![](https://blogger.googleusercontent.com/img/b/R29vZ2xl/AVvXsEjmGxeOZb87gJAZbbOQY-Y9qutiZ0IKIJNLN0ODIV4IQd1HSWoEYoxYRfmAPVLtgik6jltLTW37ibwEGnfPachL-eYeWBLDQtJWE5TJgcIy_waN1-pcS9yfSdkuq3rbLwDNnYOkak-TFoVn/s1600/DSC_1076%5B1%5D.jpg) |
Firnando libros para os do Club |
Tamén tivo Marcos un oco para falar cos rapaces de 1ºA que leron a súa novela Palabras de auga. E tamén para algúns do Club de Lectura que se achegaron para que lles firmase o seu exemplar do Pintor do Sombreiro de Malvas. Por certo, quedou encantado co libro que fixeron Ana Seco e os seus tutorandos. Todo un prodixio de bo gusto.
![](https://blogger.googleusercontent.com/img/b/R29vZ2xl/AVvXsEj8K2Zkr0p1wnmoTqST5jdVpNavgVZbtmGDI0T3soZVybYPyHYZoGJ8oQXzmoGovCWbLFleID1mY36JNErnVXBJZe_j8RvFQwyvFuBziC6K0h5nLxjUTExhKC-AmVmqiZIwsZS0RFk2C8Tz/s1600/DSC_1070%5B1%5D.jpg) |
Traballando arreo |
Está ben rapaces, que teño que pasar a Antía. Vémonos na seguinte entrada.
SOCAS
Ningún comentario:
Publicar un comentario