Ola rapazada!
Con moito público tivemos hoxe a xuntanza da sección de bacharelato co Club de Novela Gráfica. Comentamos a adaptación do clásico de novela distópica 1984 de George Orwell realizada por Jean Cristhoper Derrien para la editorial Planeta Cómic.
Gustou moito esta novela, tanto o texto como a parte gráfica cos seus xogos en branco e negro e o vermello. Comentamos como as sociedades totalitarias cancelan o seu pasado e controlan ata o pensamento dos seus cidadáns por mor do Gran Irmán. Falamos da relación entre Winston e Julia, esa rapaza potencialmente tan perigosa...
A partir destes comentarios tratamos de proxectar algunhas ensinanzas para o noso día a día. Desconfiar da manipulación das fakes news, respetar a historia veraz, fomentar a individualidade persoal de cada quen, construir relacions auténticas... Loitar fronte a sistemas que buscan controlar ata a nosa mente e os nosos sentimentos.
Os profes animámosvos a ler a novela completa. Esperemos que quede apuntada nas vosas listas de lecturas!
Ningún comentario:
Publicar un comentario