DÍA DE ROSALÍA

Ola rapaces!

Este día 24 de febreiro celébrase, como sabedes, o Día de Rosalía. Nosoutros tamén quixemos destacar a figura desta aurtora e participamos en actividades encamiñadas a difundir a importante obra da escritora galega. Nesta ocasión seguindo a iniciativa da Asociación de Escritoras e Escritores en Lingua Galega, que este ano ten como  lema #ErrantesPoloMundo_drc_20, quixemos tamén chamar a atención sobre o problema das migracións, como vimos facendo fai dous cursos no tratamento das efemérides do Día da Paz, que podedes leer en entradas anteriores do noso blog.

Para iso fixóse unha escolla de poemas e libros que deixamos nunha exposición na entrada do instituto. Aquí algúns profesores fixeron lecturas de poemas cos seus alumnos, para insistir no desarraigo e nos sentimentos que deixa a necesidade de emigrar que relata Rosalía, como medio de achegar ó alumado a comprensión da problemática que afecta  os migrantes e refuxiados que están a producir diferentes conflitos no mundo.

No blog de dinamización tedes máis infomación.

O POETA KARLOTTI CONNOSCO

Ola rapaces!

Na última sesión do Club de Poesía e Manga do martes 11, tivemos a sorte de contar coa presenza do poeta Juan Carlos Valle, "Karlotti" (Maside, 1949). Karlotti, aínda que naceu en Ourense, pasou a súa infancia e xuventude en Valladolid para recalar dende hai máis de vinte anos na nosa cidade, onde, xunto con Guillermo Ferrández e outros poetas, concibiu e alentou o desenvolvemento da "Semana da Poesía Salvaxe", da que noutras ocasións falaramos aquí.

Dun xeito moi sinxelo, con voz suave pero firme, foi narrándonos as súas vivencias e o seu descubrimento da poesía, entreverando feitos con poemas. Deixounos abraiados co relato da súa viaxe (non cofundir turista co viaxeiro) co circo. O que ía ser unha estancia dun verán en Praga, converteuse nunha aventura sen data de retorno que o levou ata Irán, Afganistán, Pakistán e India, como integrante dun enorme circo onde traballou facendo de todo, ata de paiaso. Pero o seu alcume, xa viña de antes, dos anos de rebeldía en Valladolid, onde deixarse barba era toda unha declaración de principios. Ao tempo que viaxaba co circo ía volcando en versos a súa incrible experiencia.

"llueve tarde

como siempre en bangkog

en la parte dulce

de la periferia

la carpa tricolor fondea

plagiando las esbeltas barcazas

de equívocas derrotas

el río cede su alma de prostituta

a la parte oscura de los acróbatas

mientras en las trastiendas ardientes

los elefantes leen

el futuro

en las húmedas palmas de tu mano

perdona al intruso

domadora indescifrable

pero los fabulosos posos del sueño

están en el fondo de tus ojos

que hacen de mi corazón

un concurrido

cementerio de elefantes

              "El perdón del intruso" en Escolma Salvaxe (Ferrol, 2007-2013)

Contestou amablemente a todas as nosas preguntas. Escoitou con gusto a algúns de nós que quixeron mostrarlle os seus "pinitos" poéticos. A todos nos animou a seguir nisto.

Deixámosvos cun enlace ao seu blog karlotti.com.

E coa recomendación que nos fixo de ler, falar, escribir POESÍA. Sempre!

CELEBRANDO O DÍA DA PAZ COS MAIORES

Ola rapaces!

Hoxe fai xustiño unha semana que celebrabamos o Día da Paz. E fomos visitar aos maiores da residencia Domus-VI para poñer en valor a súa importancia.

Un grupiño de seis voluntarios (Paula, Alba, Nerea, Lucas, Andrea e Cynthia) leron textos acerca da paz e a concordia (de Cervantes, Machado, Lorca, Alberti, Sánchez Ferlosio, Nicolás Guillén, Celso Emilio, Antonio García Teijeiro, Manuel María, ...). 

Tamén traballamos coa mesma metáfora coa que o fixemos no centro: "pasos pola paz". Levamos unhas siluetas de pegadas que encheron os anciáns coas súas mensaxes e debuxos alusivos a efeméride.

Decoramos as paredes do xeriátrico cun vieiro no que en vez de destinos físicos escribimos os valores que queriamos resaltar: RESPETO, TOLERANCIA, AMIZADE, EMPATÍA...

Aquí vos deixamos unha presentación sobre esta fermosa experiencia.

CONCEPCIÓN ARENAL PONTE

Ola rapaces!

Concepción Arenal Ponte, naceu en Ferrol, tal día como hoxe 31 de xaneiro do ano 1820.

Esta prolífica muller foi diplomada en Dereito, xornalista, feminista, poeta, autora dramática e de zarzuela. A súa extensa formación deu lugar a unha polifacética obra. A este respecto, cóntase a anécdota de que foi a primeira muller en asistir ás aulas da univesidade en España pero vestida como un home. Lendas a parte, era unha muller inqueda e de gran temperamento que se interesou polas cuestións sociais do seu tempo, en concreto pola situación da muller nos presidios; por este importante labor de asisitencia é nomeada Visitadora de prisións en 1864, ano en que retorna á Coruña.

En posteriores entradas iremos aportando outros datos de interese. Hoxe deixamos un vídeo para informar sobre a súa figura.

Concepción Arenal, la madre del feminismo en España

DÍA DA ILUSTRACIÓN

Ola rapaces!

Con motivo do nacemento de Castelao, hoxe celébrase tamén o Día da Ilustración. Os interesados poden consultar a entrada que, por este motivo, fixemos no blog de Dinamización.

Tamén vos queremos indicar que no edificio da Biblioteca e Archivo de Galicia da Cidade da Cultura pode visitarse unha exposición sobre o ilustrador homenaxeado este ano, titulada: "Cándido Fernández Mazas: signos de quimera" , organizada pola Biblioteca de Galicia.

Cartel da exposición na Biblioteca de Galicia

Sería bo que aproveitaramos para achegarnos á obra do xenial rianxeiro, ademáis de outros moitos ilustradores. 

Deixámos aquí o cartel do Día da ilustración con diversas iniciativas para celebrar a xornada. 

GUÍA DE LECTURA PASOS POLA PAZ

Ola rapaces!

Hoxe 30 de xaneiro celebramos o Día da Paz. Este ano estivemos a facer unha reflexión sobre a necesidade de que non nos quedemos únicamente no terreo dos desexos ou dos soños,  se non que todos nós podemos dar pequenos pasos para lograr esta meta. Durante a semana traballamos sobre este tema, e na semana próxima faremos unha entrada contando polo miudo como nos foi. Pero non queremos que pase esta xornada sen poñer no blog a guía de lectura que fixemos para recomendar algún libro que nos axude á reflexión sobre a Paz.

CALENDARIO DO LIBRO E DA LECTURA 2020

Ola rapaces!
Deixámovos o calendario das datas sinaladas relacionadas co libro e a lectura que publica a Rede de Bibliotecas de Galicia.

NOVA SESIÓN DO CLUB DE POESÍA

Ola rapaces!

Onte tivo lugar a sesión do Club de Poesía, correspondente ao mes de xaneiro. Demos a benvida de novo a Sara e contamos coa visita dalgúns invitados, como Javi. Cadaquén deu lectura aos seus poemas seleccionados. E debo dicir que houbo un pouco de todo pero que o conxunto resultou moi enriquecedor. 

• Pilar leunos "No volveré a ser joven" de Jaime Gil de Biedma, que tamén puidemos escoitar na voz de Loquillo.
• Daniela seguiu co seu poeta de cabeceira, José Martí, ao que se sente moi ligada dende a súa infancia pola súa orixe cubana. Leunos "Yo soy un hombre sincero" e tamén o escoitamos en versión de Pablo Milanés.
• Sara trouxo unha novidade, o libro de Eme: La revolución de los sentidos (Ed. Punto Rojo) do que compartiu o texto titulado "No al bullying".

• Manuela elixiu "La tumba y la rosa" de Victor Hugo, plenamente romántico.
• Javi escolleu, da escolma de Poesía Salvaxe, varios títulos: "Tinta" de David González, "Wheeping sound" de Deborah Vukusic.
• Sergio recitou "Que é para ti a poesía?" de Carlos Negro.
• Raquel trouxo de Joaquín Sabina, "Cuerpo, corazón y deseo".

Terminamos vendo vídeos de Alejandra Martínez de Miguel, en concursos poéticos callejeros de Madrid como Poetry Slam Madrid

E tamén nos gustou moito o televisivo César Brandon como, por exemplo, recitando "Cero".

Tamén caldeamos as próximas visitas de poetas como Guillermo Ferrández ou Karlotti, coa lectura dalgúns dos seus poemas.

Por último, Sara emociunounos a todos lendo algunhas das súas creacións. Aquí hai madeira!

Coma sempre, despedímonos cun texto: o de Jaime Gil de Biedma pertencente ao poemario Poemas póstumos:

Que la vida iba en serio

uno lo empieza a comprender más tarde ­

como todos los jóvenes, yo vine

a llevarme la vida por delante.

Dejar huella quería

y marcharme entre aplausos ­

envejecer, morir, eran tan sólo

las dimensiones del teatro.

Pero ha pasado el tiempo

y la verdad desagradable asoma:

envejecer, morir,

es el único argumento de la obra.

CENTENARIO DE GALDÓS

Ola rapaces!

O día 4 de xaneiro de 1920 faleceu en Madrid don Benito Pérez Galdós. Este ano que iniciamos, por tanto, celebramos o centenario do seu pasamento. 2020 será o ano Galdós. Será lóxico e saudable que no noso blog o lembremos como merece. Propoñemos ir colgando algunhas entradas sobre o gran novelista canario no que recomendaremos algúns dos seus textos. E tamén que dende a biblioteca e o Departamento de Lingua Castelá e Literatura queremos adicarlle atención. De xeito que a súa vida, longa e laboriosa, e a súa obra (novelas, Episodios Nacionales, teatro...) remate por ser un pouco máis coñecida para a comunidade escolar.

Polo de pronto, non podemos senón comezar recomendando a visita dunha magnífica exposición que a Biblioteca Nacional, Acción Cultural Española e o Gobierno de Canarias, organiza sobre don Benito.

Co título de "La verdad humana", dita exposición fai un percorrido xeral sobre algúns dos aspectos máis salientables da súa biografía. A súa infancia e adolescencia en Canarias, a súa chegada a Madrid, as súas viaxes por Europa, o seu contacto co periodismo, Galdós e a política, Galdós e Santander, Galdós e as relacións amorosas, Galdós e o Nobel, Galdós e o teatro... 

Para rematar, na exposición coméntase tamén a fecunda pegada que deixa o noso escritor na novelística contemporánea e no cine. Varios escritores actuais (Andrés Trapiello, Almudena Grandes, Care Santos, Elvira Lindo..) graban uns vídeos que se poden escoitar sobre a súa recoñecida influencia nas súas respectivas obras.

É esta a perfecta ocasión para ver un nutrido grupo de cadros, (algúns do propio escritor), debuxos, fotografías, primeiras edicións, manuscritos, etc que dificilmente poden xuntarse.

Lectores do Sofía, non deixedes de achegarvos a, con permiso de Cervantes ao que tanto admiraba, o grande novelista da nosa lingua!

GIMKANA DO CENTRO, PROBA DA BIBLIOTECA

Ola rapaces!
Como todos os anos, o día que comenzan as vacacións de Nadal. Nas últimas dúas horas de clase, facemos unha Gimkana na que participamos todos os Departamentos do centro.
Todo o alumnado que quere participar debe apuntarse por equipos durante as semanas anterior. Todas as probas están diseñadas por cada Departamento Didáctico e teñen relación cos contidos educativos dos mesmos. Tamén participa o ANPA do instituto, que deseña e supervisa unha divertida proba. O alumado de 1º de Bacharelato, de xeito voluntario, e o encargdo de supervisar as probas e tamén de manter certo orden, para posibilitar a circulación entre probas, exercendo de xurado e cordinación das puntuacións dos equipos.
É unha xornada divertida e relaxada na que tamén se pon en xogo os coñecementos, destrezas e habilidades de todo o alumnado, na que se implica toda a comunidade educativa.
No caso da biblioteca, este ano a proba versaba sobre Velázquez, con pistas que lles propocionaba o texto que se lles suministraba ó entrar. En ese documento facíase referencia á celebración do bicentenario da grande pinacoteca do noso país, así como a que un barrio da nosa cidade está profusamente decorado coas súas Meninas. Con estas pistas tiñan que deducir de que pintor se estaba a falar. Unha vez establecido o artista, os grupos tiñan que localizar un libro sobre unha das súas obras, e unha biografía, ademáis dunha novela, comic ou película, onde se lle fixese mención de algún xeito.
Competían dous equipos en cada turno e dispoñían tamén de acceso a internet, empregando os ordenadores da biblioteca. O grupo de voluntarios da biblioteca estivo colaborando durante esta bonita xornada animando ós participantes. Dixamos aquí algunhas imaxes.

GUÍA DE LECTURA PARA O NADAL

Ola compañeiros e compañeriras!
 Este Nadal deixamos na entrada do instituto ademáis da decoración con elementos reciclados unha mesa con propostas de lectura para estas vacacións. Para que podades ver en detalle esas suxestións deixamos unha pequena guía de lectura  con novidades que foron propostas desde os Departamentos do centro.

CELEBRANDO O NADAL COS MAIORES

Ola rapaces!

Un ano máis, un Nadal máis... visitamos aos nosos maiores da residencia DomusVi. Esta vez o grupo de voluntariado estivo acompañado co Coro do Sofía. 

Foi unha velada moi agradable, onde o coro amosou o mellor da súa arte, ben dirixidos por Dani Ardao e Almudena. Ás cancións de sempre xuntaráronse un popurrí de panxoliñas, e o Noite de Paz, instrumental.

Pola nosa parte, os voluntarios, logo de xantar en común e facer adornos navideños con material de reciclaxe para a nosa árbore, levamos aos anciáns as tarxetas para que eles tamén escribiran os seus bos propósitos, relativos ao medio ambiente, de cara ao vindeiro 2020. Xa moitos deles son amigos nosos, alégranse moito de voltar a vernos, esquecen as doenzas por un rato e gozan da boa compaña. 

Para todos eles van os nosos mellores desexos nestas festas!

JULIA UCEDA, PREMIO GARCÍA LORCA

A poetisa Julia Uceda (Sevilla, 1925) afincada en Ferrol dende hai moitos anos, acadou recentemente o premio Ciudad de Granada García Lorca na súa XVI edición. 

Moitos medios nacionais fanse eco da noticia, como o ABC, La Voz de Galicia, ou Diario de Ferrol. E que non é para menos. 

Esta andaluza, filla adoptiva de Ferrol, que exerceu como profesora de Literatura e foi directora do IES de Canido, ten  unha sólida carreira como poeta con obras como En el viento, hacia el mar (2003), Escrito en la corteza de los árboles (2013), Hablando con un haya (2010) entre outros.

Gañadora, ademais deste premio recente, doutros como o Premio da Crítica de Poesía Castellana (2006), Premio Nacional de Poesía (2003). A súa obra foi traducida ao inglés, portugués, chinés e hebreo.

E como este curso o noso club de lectura xira en torno á poesía queremos deixar aquí unha mostra da súa arte:

Hablo de la infancia

Escalera crujiente,

trozo de bosque organizado

por el que ir hasta la cumbre

de aquel desván lleno de sueños,

pájaros silenciosos

que viajan sin ruido.

Sobre ti estaba el premio

cubierto por el polvo

y lo muerto vivía

para mí, en mis ensueños.

Hogar sin sótanos,

todo aquello era hermoso

porque estaba creando su recuerdo;

viviéndote, sentía

que de algún modo ya te recordaba.

Y siempre que te acercas

entre la niebla, oigo

cómo se queja suavemente,

enmohecido por las lluvias,

el pesado cerrojo de una verja.

La del jardín acaso.

E se vos gustou, podedes pinchar neste enlace para ler moitos máis. 

VISÍTANOS O POETA MARIANO DURÁN

Ola rapaces!

Hoxe tivemos unha xuntanza do Club de Manga e Poesía moi especial. Tivemos a honra de contar connosco cun verdadeiro poeta, o profesor xa xubilado deste centro Mariano Durán, do que Emilio fixo a presentación como "o último Leonardo". 

Ademais de ser un dos mellores profesores de Física e Química que tivemos durante máis de 20 anos, Mariano ten publicados dous poemarios. 

Hoxe estivo compartindo con nós a lectura de textos do seu segundo libro de poemas, Radiografía bárbara. Tamén departiu amigablemente respondendo a todas as nosas preguntas. Grazas ás súas respostas, enterámonos que o gusto pola poesía lle vén dende os 13 ou 14 anos coa lectura e as clases de literatura dos seus profesores do IES Concepción Arenal. Comezou a escribir por entón, e xa non parou. Pero ía gardando timidamente no caixón as súas creacións ata que, logo da súa xubilación, animouse a compartilas. Soubemos tamén que os seus poetas favoritos son Juan Ramón Jiménez, Luis Cernuda, Rimbaud, Rainer Mª Rilke, e os clásicos Propercio e Catulo, dos que traduciu algúns textos, ademais de moitos outros. Tamén que lle gusta escribir de todo, do amor, da dor, do paso do tempo...

Dedicounos dous exemplares do seu libro, un para o Club de Poesía e outro para o Obradoiro de Microescritura. 

Grazas Mariano polo teu tempo e polos teus versos!

VISITA AO XERIÁTRICO DO NOSO VOLUNTARIADO

Ola rapaces!

O pasado mércores 27 tivemos unha nova xuntanza do noso voluntariado con motivo da efemérides do día 25, o Día contra a Violencia de Xénero.

A verdade que, por mor dos exames, estivemos moi pouquiños, pero puxemos moitas ganas.

Logo de comer xuntos, comezamos a preparar a actividade que consitiu en:

• Unhas presentacións sobre dous poemas.
• A lectura de catro textos:
• Co tempo un aprende de Verónica Shoffstall.
• ¿Por qué grita esa mujer? de Susana Thénon.
• Recibí flores hoy de Mariano Osorio.
• Antipatriarca de Ana Tijoux.
  

• A realización dun mural no que díciamos que nos plantábamos contra a violencia de xénero no que os maiores escribiron as súas ideas, os seus nomes nus pétalos de flores.

Coma sempre, os anciáns estiveron moi agarimosos connosco.

Esperamos ter levado un pouco de ledicia as súas vidas.

Ata a vindeira xuntanza!